മുംബൈ: ജി മെയിലിന്റെ സേവനങ്ങള് തടസപ്പെട്ടു. ഇന്ത്യയിലും ലോകത്തിന്റെ പലഭാഗങ്ങളിലും ഉപഭോക്താക്കള്ക്ക് ജി മെയില് സംവിധാനം ഉപയോഗിക്കാനോ മെയിലില് ഫയല് അറ്റാച്ച് ചെയ്യാനോ സാധിക്കുന്നില്ലെന്നാണ് റിപ്പോര്ട്ട്. നിരവധി ഉപഭോക്താക്കളാണ് ഇത്തരത്തില് പരാതിയുമായി രംഗത്തെത്തിയത്.
ലോഗിന് ചെയ്യാന് പോലും സാധിക്കുന്നില്ലെന്നാണ് ചില ഉപഭോക്താക്കള് പരാതിപ്പെടുന്നത്. ചിലര്ക്ക് സാധാരണ ടെക്സ്റ്റ് സന്ദേശങ്ങള് അയക്കാന് കഴിയുന്നുണ്ടെങ്കിലും പതിവില് കൂടുതല് സമയം വേണ്ടി വരുന്നു. ഫയലുകള് അറ്റാച്ച് ചെയ്യാന് ഏറെ സമയം എടുക്കുകയും അത് പൂര്ത്തിയായാല് തന്നെ തകരാറുള്ളതായി സന്ദേശം ലഭിക്കുകയും ചെയ്യുമെന്നും ഉപഭോക്താക്കള് പരാതിയില് വ്യക്തമാക്കുന്നു.
അതേസമയം ഗൂഗിള് ഡ്രൈവിലും പ്രശ്നങ്ങളുണ്ടെന്നാണ് റിപ്പോര്ട്ട്. ഗൂഗിള് ഡ്രൈവില് ഫയലുകള് അപ്ലോഡ് ചെയ്യാന് കഴിയുന്നില്ലെന്നാണ് ഉപഭോക്താക്കളുടെ പരാതി. സേവനം തടസപ്പെട്ടതായി ഗൂഗിളും വ്യക്തമാക്കിയിട്ടുണ്ട്.
