അടിച്ച് ഫിറ്റായി നടക്കുന്നവര് ഇനി അല്പ്പം ശ്രദ്ധിക്കണം. നന്നായി വെള്ളമടിച്ച് തോന്നിയ പോലെ നടക്കുന്നവരെ അവരുടെ സ്മാര്ട്ട്ഫോണ് തന്നെ പിടികൂടുമെന്ന് പുതിയ പഠനങ്ങള് പറയുന്നു. ജേര്ണല് ഓഫ് സ്റ്റഡീസ് ഓണ് ആല്ക്കഹോള് ആന്റ് ഡ്രഗ്സ് എന്ന റിസര്ച്ച് ജേര്ണലിലാണ് പുതിയ പഠനം പ്രസിദ്ധീകരിച്ചിരിക്കുന്നത്. സെന്സര് ഘടിപ്പിച്ച സ്മാര്ട്ട്ഫോണുകള് കൈവശമുള്ളവര് മദ്യപിക്കുന്നത് അറിയാന് കഴിയുമെന്നാണ് ഒരു കൂട്ടം ഗവേഷകരുടെ പ്രാഥമിക പഠനം വ്യക്തമാക്കുന്നത്.
ഇതിനായി ഗവേഷകര് 21നും 43നും ഇടയില് പ്രായമുള്ള 22 പേരെയാണ് നിരീക്ഷിച്ചത്. ഓരോ മണിക്കൂറിലും ഇവര് ഓരോരുത്തരും വാഹനമോടിച്ച സമയത്ത് വോഡ്കയും നാരങ്ങ വെള്ളവും കഴിച്ചിരുന്നു. ഓരോ രണ്ട് മണിക്കൂറിലും പഠനത്തിനായി തിരഞ്ഞെടുത്ത ഓരോരുത്തര്ക്കും മുന്നോട്ടും പിന്നോട്ടുമായി 10 ചുവടുകള് വെയ്ക്കേണ്ടതുണ്ടായിരുന്നു. ഇവരുടെ നടത്തം നിരീക്ഷിക്കാന് അവരുടെ പിറകില് ഒരു സ്മാര്ട്ട് ഫോണ് ഘടിപ്പിച്ചിട്ടുണ്ടായിരുന്നു. 90 ശതമാനം കൃത്യതയോടെ വാഹനമോടിക്കുന്നതിനുള്ള നിയമപരമായ പരിധി കഴിഞ്ഞ ഒരാളെ കണ്ടെത്താന് ഈ സ്മാര്ട്ട് ഫോണിന് കഴിഞ്ഞു. ഇത് ഫോണിന്റെ വളരെ ഉപയോഗപ്രദമായ സവിശേഷതയാണ്.
സ്റ്റാന്ഫോര്ഡ് സര്വ്വകലാശാലയിലെ എമര്ജന്സി മെഡിക്കല് വിഭാഗം അംഗം ഡോ.ബ്രെയാന് സഫോലെയാണ് പുതിയ പഠനത്തിന് നേതൃത്വം നല്കിയത്. തനിക്ക് മദ്യപിച്ച് വാഹനം ഓടിച്ച് ഒരു കോളേജ് സുഹൃത്തിനെ നഷ്ടപ്പെട്ടുവെന്നും മദ്യപാനവുമായി ബന്ധപ്പെട്ടുള്ള എമര്ജന്സി റൂമുകളാണ് കൈകാര്യം ചെയ്യുന്നതെന്നും കഴിഞ്ഞ 10 വര്ഷമായി മദ്യപാനവുമായി ബന്ധപ്പെട്ടുള്ള മരണങ്ങളും പരിക്കുകളും തടയുന്നതിന് ഡിജിറ്റല് പരീക്ഷണങ്ങള് നടത്തുന്നതിനായി നീക്കിവെച്ചെന്നും ബ്രെയാന് പറഞ്ഞു. പഠനത്തിന്റെ അടുത്ത ഘട്ടമായി ചെയ്യുന്നത് ഫോണ് വ്യത്യസ്ത സ്ഥാനങ്ങളില് വെയ്ക്കുമെന്നാണ് സ്റ്റാന്ഫോര്ഡ് പറയുന്നത്. അതായത് ഫോണ് ആളുകളുടെ കൈയ്യിലോ പോക്കറ്റിലോ മാറ്റി വെയ്ക്കണമെന്നാണ് അദ്ദേഹം പറയുന്നത്.
Comments