വെംബ്ലി: കമ്മ്യൂണിറ്റി ഷീല്ഡ് പോരാട്ടത്തില് ഇന്ന് ലിവര്പൂളും ആഴ്സനലും ഏറ്റുമുട്ടും. ഇന്ത്യന് സമയം രാത്രി 9 മണിക്കാണ് മത്സരം നടക്കുക. പ്രീമിയര് ലീഗിലെ വമ്പന്മാര് കൊമ്പുകോര്ക്കുമ്പോള് പോരാട്ടം കടുക്കുമെന്ന് ഉറപ്പാണ്.
ആഴ്സനലിനെ സംബന്ധിച്ച് ഇന്നത്തെ മത്സരം നിര്ണായകമാണ്. ടീമിലെ നാല് താരങ്ങള് ക്വാറന്റൈനിലാണെന്നത് അര്ട്ടേറ്റയുടെ സംഘത്തിന് തിരിച്ചടിയായേക്കും. എമിലിയാനോ മാര്ട്ടിനെസ്, ബേണ്ഡ് ലിനോ, 22 കാരനായ മധ്യനിര താരം ഗബ്രിയേല്, പേര് വെളിപ്പെടുത്താത്ത മറ്റൊരു താരവുമാണ് ക്വാറന്റൈനിലുള്ളത്. ഇവരാരും പ്രീ സീസണ് ക്യാമ്പില് പങ്കെടുത്തിരുന്നില്ല.
അതേസമയം, ഇംഗ്ലീഷ് പ്രീമിയര് ലീഗ് കിരീടം സ്വന്തമാക്കിയ ലിവര്പൂള് തികഞ്ഞ ആത്മവിശ്വാസത്തിലാണ്. പ്രീ സീസണില് ലിവര്പൂള് രണ്ട് മത്സരങ്ങള് കളിച്ചിരുന്നു. ആസ്ട്രിയന് ക്ലബുകളോടായിരുന്നു ലിവര്പൂളിന്റെ പ്രീ സീസണ് മത്സരം. ഇതില് ഒരു മത്സരത്തില് എതിരില്ലാത്ത മൂന്ന് ഗോളിന് ജയിച്ചെങ്കില് രണ്ടാം മത്സരം 2-2ന് സമനിലയില് പിരിയുകയായിരുന്നു.
