ന്യൂയോര്ക്ക്: യു.എസ്.ഓപ്പണില് ഇന്ത്യയുടെ സുമിത് നാഗല് ഇന്ന് രണ്ടാം റൗണ്ടില് ഇറങ്ങും. രണ്ടാം സീഡ് ഓസ്ട്രിയയുടെ ശക്തനായ ഡോമനിക് തീമാണ് എതിരാളി. 7 വര്ഷങ്ങള്ക്ക് ശേഷമാണ് ഒരു ഇന്ത്യന് താരം ഗ്രാന്ഡ് സ്ലാം മത്സരത്തിന്റെ രണ്ടാം റൗണ്ടിലെത്തുന്നത്.
ആദ്യ മത്സരത്തില് അമേരിക്കയുടെ ബ്രാഡ്ലീ ക്ലാഹനെ 6-1, 6-3, 3-6, 6-1 എന്ന സ്കോറിനാണ് സുമിത് തോല്പ്പിച്ചത്. തീം ഒന്നാം റൗണ്ടില് മുനാറിനെ 7-6,6-3നാണ് തോല്പ്പിച്ചത്.മൂന്നാം റൗണ്ടിലേയ്ക്ക് കടക്കാനായാല് അത് ഇന്ത്യന് താരത്തെ സംബന്ധിച്ച് ചരിത്ര നേട്ടമാകും.
