ന്യൂയോര്ക്ക്: ടെന്നീസ് ഗ്രാന്ഡ് സ്ലാമിന്റെ 143 വര്ഷത്തെ ചരിത്രത്തില് കോര്ട്ടില് വീരഗാഥ രചിക്കാനായി മൂന്ന് അമ്മമാര് രംഗത്ത്. യു.എസ്. ഓപ്പണില് ഇത്തവണ ക്വാര്ട്ടറില് ഇറങ്ങുന്ന മൂന്നുപേരും അമ്മമാരാണ്. സെറീനാ വില്യംസ്, വിക്ടോറിയ അസാരങ്ക, സ്വെത്വാനാ പിരങ്കോവ എന്നിവരാണ് ഗ്രാന്ഡ് സ്ലാം ചരിത്രം തിരുത്തിക്കുറിച്ചിരിക്കുന്നത്. യു.എസ് ഓപ്പണ് അധികൃതര് ആവേശത്തോടെയാണ് അന്താരാഷ്ട്ര വനിതാ താരങ്ങളെ പ്രശംസിച്ചിരിക്കുന്നത്. ഇത് മദര് ഓഫ് ഗ്രാന്ഡ് സ്ലാമാണെന്നാണ് യു.എസ്.ഓപ്പണ് ട്വിറ്ററില് കുറിച്ചത്.
ബള്ഗേറിയയുടെ പിരങ്കോവ അമ്മയായ ശേഷം മൂന്ന് വര്ഷം കഴിഞ്ഞാണ് ക്വാര്ട്ടിലിറങ്ങിയത്. ബെലാറൂസിന്റെ മുന് ലോക ഒന്നാം നമ്പര് വിക്ടോറിയ അസാരങ്ക 2016ലാണ് അമ്മയായത്. അമേരിക്കയുടെ ഇതിഹാസ താരമായ 23 ഗ്രാന്ഡ് സ്ലാം കിരീടം നേടിക്കഴിഞ്ഞ സെറീന 2017ലാണ് ഒരു കുഞ്ഞിന് ജന്മം നല്കിയത്.
കഴിഞ്ഞ പ്രീക്വാര്ട്ടറില് മുന് ലോക ഒന്നാം നമ്പര് കിം ക്ലിസ്റ്റേഴ്സ് പുറത്തായില്ലാ യിരുന്നെങ്കില് ചരിത്രത്തിന്റെ ഭാഗമാകുമായിരുന്നു. അമ്മയായ ശേഷം ഒരു വര്ഷം തികയും മുന്നേ കളത്തിലിറങ്ങിയ കിരീടം നേടിയ താരമാണ് ക്ലിസ്റ്റേഴ്സ്. കഴിഞ്ഞ സീസണില് ഇന്ത്യയുടെ സാനിയാ മിര്സയും പ്രസവശേഷം കളത്തിലിറങ്ങി തിളങ്ങിയ താരമാണ്.
Comments