ന്യൂയോര്ക്ക്: ഡോമിനിക് തീമിന് യു.എസ്.ഓപ്പണ് കിരീടം. അലക്സാണ്ടര് സ്വരേവിനെ രണ്ടിനെതിരെ മൂന്ന് സെറ്റുകള്ക്കാണ് ഓസ്ട്രിയന് താരം തോല്പ്പിച്ചത്. നാലു മണിക്കൂറും രണ്ടു മിനിറ്റും നീണ്ട കലാശപ്പോരാട്ടത്തില് 2-6, 4-6, 6-4, 6-3, 7-6നാണ് തീം കരുത്തോടെ തിരിച്ചടിച്ചത്.
ആദ്യമായാണ് തുടക്കത്തിലെ രണ്ടു സെറ്റുകള് അടിയറവയ്ച്ച ശേഷം ഒരു താരം കിരീടം നേടുന്നത്. ആദ്യ രണ്ടു സെറ്റുകളും അനായാസം നേടിയ സ്വരേവിനെതിരെ ശക്തമായ പോരാട്ടമാണ് തീം നടത്തിയത്. 27 കാരനായ തീമിന്റെ കന്നി ഗ്രാന്ഡ് സാം കിരീടമാണിത്. ഈ വര്ഷം ഓസ്ട്രേലിയന് ഓപ്പണ് റണ്ണര്പ്പായ തീം 2018ലും 2019ലും ഫ്രഞ്ച് ഓപ്പണിലും കിരീടം കൈവിട്ടിരുന്നു. 2014ല് ക്രൊയേഷ്യയുടെ മാറിന് സിലിച്ചിന് ശേഷം കന്നി ഗ്രാന്ഡ് സ്ലാം കിരീടം നേടുന്ന സീഡഡ് താരമാണ് ഡോമിനിക് തീം.
