റോം: ലോക പോള്വാള്ട്ട് രംഗത്തെ അല്ഭുതമായ ഉക്രെയിനിന്റെ സെര്ജീ ബൂബ്കയുടെ ഇന്ഡോര് റെക്കോഡ് തകര്ത്ത് ആര്മാന്ഡ് ഡ്യൂപ്ലാന്റിസ് വീണ്ടും. പോള്വാള്ട്ടില് ഇന്ഡോര് മത്സരങ്ങളില് ബൂബ്കയുടെ 6.14 മീറ്റർ നേട്ടമാണ് ഡ്യൂപ്ലാന്റിസ് മറികടന്നത്. 6.15 മീറ്റർ താണ്ടിയാണ് 26 വർഷത്തെ റെക്കോഡ് ഡ്യൂപ്ലാന്റിസ് പഴങ്കഥയാക്കിയത്. റോമിലെ ഡയമണ്ട് ലീഗിലാണ് റെക്കോഡ് വഴിമാറിയത്. സ്വീഡന്റെ താരമാണ് ഡ്യൂപ്ലാന്റിസ്. മുന്നേ തന്നെ ഫെബ്രുവരിയില് 6.17 ഉയരം താണ്ടി ഡ്യൂപ്ലാന്റിസ് ലോകറെക്കോഡ് തിരുത്തിയിരുന്നു.1994ല് ഇറ്റലിയില് ബൂബ്ക സ്ഥാപിച്ച റെക്കോഡാണ് ഡ്യൂപ്ലാന്റിസ് ഭേദിച്ചത്.
മത്സരത്തിലെ തന്റെ രണ്ടാം ശ്രമത്തിലാണ് താരം ബൂബ്കയുടെ പഴയകാല നേട്ടം മറികടന്നത്. സ്വീഡിഷ് താരം ഭാവിയിൽ 6.20 എന്ന മാജിക്കല് മാര്ക്ക് പിന്നിടുമെന്ന് ഫ്രഞ്ച് താരം റെനോഡ് ലെവിനെല്ലി പ്രശംസിച്ചു.
