ലണ്ടന്: എട്ടിനോടുള്ള സ്നേഹം തുടര്ന്ന് ബയേണ് മ്യൂണിച്ച്. ബുന്ദസ്ലിഗയിലെ ആദ്യ മത്സരത്തില് ഷാല്ക്കെയെ എതിരില്ലാത്ത 8 ഗോളിന് തകര്ത്താണ് ബയേണ് തുടക്കം ഗംഭീരമാക്കിയത്. കഴിഞ്ഞ സീസണില് നിര്ത്തിവെച്ച ഗോളടി മേളത്തിനാണ് ചാമ്പ്യന്സ് ലീഗ് ജേതാക്കള് വീണ്ടും തുടക്കമിട്ടിരിക്കുന്നത്.
ഹാട്രിക്കുമായി ഗ്നാബ്രിയാണ് ബയേണ് നിരയില് മികച്ചു നിന്നത്. മത്സരത്തിന്റെ 8ആം മിനിറ്റില് തന്നെ ഗോളടി തുടങ്ങിയ താരം 47ആം മിനിറ്റിലും 59ആം മിനിറ്റിലും ഷാല്ക്കെ വല കുലുക്കി. ലെവന്ഡോസ്കി, മുള്ളര്, സാനെ, മുസിയാല, ഗൊരെസ്ക എന്നിവരും ഗോളുകള് നേടിയതോടെ സ്വന്തം മൈതാനത്ത് ബയേണ് ആധിപത്യം ഉറപ്പിച്ചു.
ബയേണിനായി അരങ്ങേറ്റം കുറിച്ച മുന് മാഞ്ചസ്റ്റര് സിറ്റി താരം ലിറോയ് സാനെയും തുടക്കം ഗംഭീരമാക്കി. ക്ലബ്ബിനായി ആദ്യ മത്സരത്തില് തന്നെ താരം ഒരു ഗോളും ഒരു അസിസ്റ്റും സ്വന്തമാക്കി. തന്റെ മുന് ക്ലബ്ബായ ഷാല്ക്കെയ്ക്കെതിരെ ഗോള് നേടിയതോടെ ജമാല് മുസിയാല ബുന്ദസ്ലിഗയില് ബയേണിനായി ഗോള് അടിക്കുന്ന പ്രായം കുറഞ്ഞ താരമായി മാറി.
