ദുബായ്: ചെന്നൈ സൂപ്പര്‍ കിംഗ്‌സിനെതിരെ രാജസ്ഥാന് റോയല്‍സിന് കൂറ്റൻ സ്‌കോര്‍. നിശ്ചിത 20 ഓവറില്‍ 7 വിക്കറ്റ് നഷ്ടത്തില്‍ രാജസ്ഥാന് 216 റണ്‍സെടുത്തു. മലയാളി താരം സഞ്ജു സാംസണിന്റെയും സ്റ്റീവ് സ്മിത്തിന്റെയും അര്‍ദ്ധ സെഞ്ച്വറികളാണ് രാജസ്ഥാന് മികച്ച സ്‌കോര്‍ സമ്മാനിച്ചത്.
തകര്‍പ്പന്‍ ഫോമില്‍ ബാറ്റ് വീശിയ സഞ്ജു വീണ്ടും സെലക്ടര്‍മാരുടെ ശ്രദ്ധയാകര്‍ഷിക്കുന്ന പ്രടകനമാണ് പുറത്തെടുത്തത്. 32 പന്തില്‍ 9 സിക്‌സറുകളും ഒരു ബൗണ്ടറിയും പായിച്ച സഞ്ജു 74 റണ്‍സെടുത്തു. സഞ്ജു തന്നെയാണ് രാജസ്ഥാന് നിരയിലെ ടോപ്പ് സ്‌കോറര്‍. 47 പന്തില്‍ 69 റണ്‍സെടുത്ത നായകന്‍ സ്റ്റീവ് സ്മിത്തും മികച്ച ഫോമിലായിരുന്നു. ഡേവിഡ് മില്ലര്‍ ഒരു പന്ത് പോലും നേരിടാതെ റണ്ണൗട്ടായി മടങ്ങിയപ്പോള്‍ 5 റണ്‍സെടുത്ത റോബിന്‍ ഉത്തപ്പ നിരാശപ്പെടുത്തി. അവസാന ഓവറിൽ ആഞ്ഞടിച്ച ജോഫ്ര ആർച്ചറാണ് ടീം സ്കോർ 200 കടത്തിയത്. അവസാന ഓവറിലെ ആദ്യത്തെ മൂന്ന് പന്തും ആർച്ചർ അതിർത്തി കടത്തി.
ചെന്നൈയ്ക്ക് വേണ്ടി സാം കറന്‍ 4 ഓവറില്‍ 33 റണ്‍സ് വഴങ്ങി 3 വിക്കറ്റ് വീഴ്‌ത്തി. ദീപക് ചഹര്‍, ലുന്‍ഗി എന്‍ഗിഡി പീയുഷ് ചൗള എന്നിവര്‍ ഓരോ വിക്കറ്റ് വീതം സ്വന്തമാക്കി.
