പാരീസ്: ഫ്രഞ്ച് ഓപ്പണില്‍ സെറീന വില്യംസ് രണ്ടാം റൗണ്ടില്‍ കടന്നു. മുന്‍നിര താരങ്ങളായ സ്വിതോലിന, പ്ലീസ്‌കോവ, മുഗരേസ എന്നിവരും രണ്ടാം റൗണ്ടിലെത്തി. മുന്‍ താരം പാവ്‌ലോചെങ്കോവയും രണ്ടാം റൗണ്ടിലെത്തിയ പ്രമുഖ താരമാണ്. ആദ്യ റൗണ്ടില്‍ 15-ാം സീഡ് വോഡ്രൂസോവ, മുച്ചോവ, ലിനേറ്റ, കെര്‍ബര്‍ എന്നിവരാണ് പുറത്തുപോയത്.
ശക്തമായ പോരാട്ടത്തിനൊടുവിലാണ് ആറാം സീഡ് സെറീന വില്യംസ് ജയിച്ചത്. 7-6, 6-0 നാണ് സെറിന ഒന്നാം റൗണ്ട് കടന്നത്. സ്വിതോലിന 7-6, 6-4ന് ഗ്രാച്ചേവയേയും തോല്‍പ്പിച്ചു. പ്ലിസ്‌കോവ കുസ്‌മോവയെ തോല്‍പ്പിച്ചപ്പോള്‍ ലിനേറ്റേയെ ലൈലാ ഫെര്‍ണാണ്ടസ് മറികടന്നു. പതിനൊന്നാം സീഡ് ഗ്രാബ്രിയാന്‍ മുഗരേസ താമാരാ സിദാനേക്കിനെ തോല്‍പ്പിച്ചു. മുന്‍ സീഡഡ് താരം അനസ്താസിയ പാവലോചെങ്കോവ 28-ാം സീഡ് സ്വത്‌ലാനാ കുസ്‌നെറ്റ്‌സോവയെ നേരിട്ടുള്ള സെറ്റുകള്‍ക്ക് അട്ടിമറിച്ചപ്പോള്‍ 18-ാം സീഡ് ആഞ്ചലീക്കാ കെര്‍ബറിനെ കാജാ ജുവാനാണ് അട്ടിമറിച്ചത്.
