ദുബായ്: ഐ.പി.എല്‍ മത്സരത്തിനിടെ കൊറോണ പ്രോട്ടോക്കോള്‍ ലംഘിച്ച് റോബിന്‍ ഉത്തപ്പ. ഇന്നലെ നടന്ന രാജസ്ഥാന്‍ റോയല്‍സും കൊല്‍ക്കത്ത നൈറ്റ് റൈഡേഴ്‌സിനും തമ്മിലുള്ള മത്സരത്തിനിടെയാണ് സംഭവം. പന്ത് മിനുസപ്പെ ടുത്താന്‍ തുപ്പല്‍ തൊടരുതെന്ന നിയമമാണ് രാജസ്ഥാന്‍ റോയല്‍സ് താരം ഉത്തപ്പ തെറ്റിച്ചത്. തെറ്റ് ശ്രദ്ധയില്‍പെട്ടയുടന്‍ ടൗവ്വല്‍ ഉപയോഗിച്ച് തുടയ്‌ക്കുകയും ചെയ്തു.
കൊറോണ വ്യാപനത്തിന് ഉമ്മിനീര്‍ പ്രധാന കാരണമാണെന്ന് കണ്ടെത്തി യതുമുതല്‍ ഐ.സി.സി കര്‍ശനമായി അത്തരം പ്രവൃത്തികള്‍ നിരോധിച്ചിരുന്നു. ക്രിക്കറ്റില്‍ കളിക്കാര്‍ പന്ത് കയ്യില്‍കിട്ടിയാലുടന്‍ നടത്തുന്ന പന്ത് മിനുസപ്പെടു ത്തല്‍ ശീലം ലോകവ്യാപകമാണ്. പന്തിൽ സാന്റ് പേപ്പര്‍ ഉരച്ചതിന് അന്താരാഷ്‌ട്രക്രിക്കറ്റില്‍ വിലക്ക് കിട്ടിയ മുന്‍ ഓസീസ് നായകന്‍ സ്മിത്താണ് രാജസ്ഥാന്റെ നായകനെന്നതും യാദൃശ്ചികതയായി.
മറ്റൊരു കായിക ഇനത്തിലുമില്ലാത്ത ഈ ശീലം ക്രിക്കറ്റില്‍ പ്രത്യേകിച്ച് കൊറോണ കാലത്ത് വലിയ വിമര്‍ശനമയി ആരോഗ്യ സംഘടന എടുത്തു കാണിച്ചതോടെയാണ് നിയമം കൊണ്ടുവന്നത്. നിയമം കര്‍ശനമായി നിലനില്‍ക്കുന്ന പശ്ചാത്തലത്തിലെ ആദ്യ അന്താരാഷ്‌ട്ര ലീഗ് മത്സരത്തിലെ തെറ്റിനെതിരെ നടപടി എടുത്തതായി സൂചനയില്ല. ഒരു ടീമിന് രണ്ട് തവണ മുന്നറിയിപ്പ് നല്‍കിയശേഷമാണ് നടപടിയുണ്ടാകൂ എന്നാണ് ഐ.പി.എല്‍ അധികൃതര്‍ പറയുന്നത്.
