പാരീസ്: ഫ്രഞ്ച് ഓപ്പൺ ഡബിൾസിൽ ഇന്ത്യൻ പുരുഷ താരങ്ങളുടെ മുന്നേറ്റം അവസാനിച്ചു. റോഹൻ ബൊപ്പണ്ണയും ദിവിജ് ശരണുമാണ് വിദേശ പങ്കാളികളുമൊത്ത് കളിമൺ കോർട്ടിൽ ഇറങ്ങിയത്.
ആദ്യ റൗണ്ടിൽ ദിവിജ് ശരൺ-കൊറിയയുടെ വോൻ സൂ വൂവുമൊത്താണ് കളത്തിലിറങ്ങിയത്.സുഗോർ-ക്രാജിസെക് സഖ്യത്തോടാണ് ദിവിജും സൂവും 2-6,6-4,4-6ന് പരാജയപ്പെട്ടത്. ആദ്യ റൗണ്ടിൽത്തന്നെ ഇന്ത്യയുടെ സീനിയർ താരം റോഹൻ ബൊപ്പണ്ണയും തോറ്റ് മടങ്ങി. ബൊപ്പണ്ണ-ഷാപ്പാലോവ് സഖ്യത്തെ ജാക് സോക്-പോസ്പിസിൽ സഖ്യം 6-2,6-2ന് തകർത്തുവിട്ടു.
2017ലെ മിക്സഡ് ഡബിൾസിൽ ഗാബ്രിയേലാ ഡാബോവ്‌സിയുമൊത്ത് കിരീടം ചൂടിയ താരമാണ് റോഹൻ ബൊപ്പണ്ണ.
