പാരീസ്: ഫ്രഞ്ച് ഓപ്പൺ വനിതകളിൽ നാദിയാ പെഡോറോസ്കാ സെമിയിൽ കടന്ന് ചരിത്രം കുറിച്ചിരിക്കുകയാണ്. മൂന്നാം സീഡായ ഉക്രയിനിന്റെ എലീനാ സ്വിതോലിനയെ അട്ടിമറിച്ചാണ് പൊഡോറോസ്ക ആദ്യമായി സെമിയിലെ ത്തിയത്. നേരിട്ടുള്ള സെറ്റുകൾക്കാണ് ലോക റാങ്കിൽ 131-ാം സ്ഥാനം മാത്രമുള്ള അർജ്ജന്റീനയുടെ പോഡോറോസ്ക എതിരാളിയെ അട്ടിമറിച്ചത്. സെമിയിൽ പോളിഷ് താരം ഇഗ സ്വിയാറ്റെകാണ് പെഡോറോസ്കയുടെ എതിരാളി.
ഇന്നു നടക്കുന്ന രണ്ടു ക്വാർട്ടർ ഫൈനലുകളിൽ ആദ്യത്തേതിൽ അമേരിക്കൻ താരങ്ങളായ നാലാം സീഡ് സോഫിയാ കെനിനും സഹതാരം ഡാനിയേലാ കോളിൻസും ഏറ്റുമുട്ടുകയാണ്. നിലവിലെ ഓസ്ട്രേലിയൻ ഓപ്പൺ ചാമ്പ്യനാണ് സോഫിയാ കെനിൻ. ആദ്യമായാണ് കളിമൺ കോർട്ടിലെ ക്വാർട്ടറിലെത്തുന്നത്.
നാലാമത്തെ ക്വാർട്ടർ ഫൈനലിൽ ഏഴാം സീഡ് ചെക് റിപ്പബ്ലിക്കിന്റെ പെട്രാ വിറ്റോവയും ജർമ്മനിയുടെ ലോറാ സീജീമോണ്ടുമാണ് ഏറ്റുമുട്ടുന്നത്. 2012ൽ സെമിയിലെത്തിയതാണ് വിറ്റോവയുടെ കളിമൺ കോർട്ടിലെ മികച്ച പ്രകടനം. രണ്ടു തവണ വിംബിൾഡൺ ചാമ്പ്യനായ വിറ്റോവ കഴിഞ്ഞ തവണത്തെ ഓസ്ട്രേലിയൻ ഓപ്പൺ ജേതാവുകൂടിയാണ്.
