ന്യൂഡല്ഹി: ഇന്ത്യന് വ്യോമസേനയുടെ 88-ാം വ്യോമസേനാ ദിനം ഇന്ന്. ചിരിത്രത്തിലാദ്യമായി അതിശക്തമായ വ്യോമസേനാ യുദ്ധവിമാന വ്യൂഹങ്ങള് അണിനിരക്കുന്ന വിപുലമായ വ്യോമാഭ്യാസ പ്രകടനങ്ങളോടെയാണ് ആഘോഷം നടക്കുകയെന്ന് വ്യോമസേനാ മേധാവി ആര്.കെ.എസ്.ബദൗരിയ അറിയിച്ചു. ന്യൂഡല്ഹിയിലെ ഇന്ഡാന് വ്യോമത്താവളത്തിലാണ് വ്യോമസേനാ ദിനാഘോഷം നടക്കുന്നത്. പ്രതിരോധ മന്ത്രി രാജ്നാഥ് സിംഗും സൈനിക മേധാവിമാരും ചടങ്ങില് സംബന്ധിക്കും. വ്യോമസേനാ ദിനത്തോടനുബന്ധിച്ചുള്ള തയ്യാറെടുപ്പിന്റെ വീഡിയോ സമൂഹമാദ്ധ്യമത്തിലൂടെ വ്യോമസേന പുറത്തിറക്കി.
देशभक्ति, वीरता, त्याग, सामर्थ्य एवम् साहस के प्रतीक – भारतीय वायुसेना के जाँबाज़ वायु योद्धा।
भारतीय वायु सेना गान ।#AFDay2020 pic.twitter.com/7eURlNWmoq
— Indian Air Force (@IAF_MCC) October 7, 2020
ഇന്ത്യന് വ്യോമസേനയുടെ കരുത്ത് പതിന്മടങ്ങാക്കി വര്ദ്ധിപ്പിച്ച റഫേല് യുദ്ധവിമാനങ്ങള് വ്യോമവ്യൂഹത്തിന്റെ ഭാഗമായശേഷമുള്ള ആദ്യ വ്യോമസേനാ ദിനമാണ് ഇന്ന് ആഷോഷിക്കുന്നത്. റഫേലിനൊപ്പം ഇന്ത്യന് ആകാശത്ത് സുരക്ഷയേകുന്ന മിഗും മിറാഷും തേജസ്സും ഇന്ന് ആകാശത്ത് കരുത്ത് പ്രദര്ശിപ്പിക്കും. യുദ്ധവിമാനങ്ങള്ക്കൊപ്പം അതിശക്തമായ ഹെലികോപ്റ്റര് വ്യൂഹവും പ്രകടനം നടത്തും.ചിനൂക്ക്, വ്യോമസേനയുടെ അഭിമാനമായ രുദ്ര, അപ്പാഷേ, എം.ഐ എന്നീ ഹെലികോപ്റ്ററുകളാണ് ഇന്ന് സാന്നിദ്ധ്യമറിയിക്കുക.
