പാരീസ്: കളിമണ് കോർട്ടിലെ വനിതാ സെമിഫൈനലുകള് ഇന്ന് നടക്കും. കൊറോണക്കാലത്തെ രണ്ടാം ഗ്രാന്ഡ് സ്ലാമിലെ ഫൈനലിസ്റ്റുകളാരെന്ന് ഇന്നറിയാം.സീഡഡ് താരങ്ങളായ പെട്രാ വിറ്റോവയും സോഫിയാ കെനിനുമാണ് സെമിയില് ഏറ്റുമുട്ടുന്ന പ്രമുഖ താരങ്ങള്. രണ്ടാം സെമിയില് അര്ജ്ജന്റീനയുടെ നാദിയാ പൊഡോറോസ്കയും ഇഗാ സ്വായീറ്റെക്കും ഏറ്റുമുട്ടും.
ഇന്നലെ നടന്ന ക്വാര്ട്ടറില് അമേരിക്കയുടെ സോഫിയാ കെനിന് സഹതാരം ഡാനിയേലാ കോളിന്സിനെ 6-4, 4-6,6-0ന് തോല്പ്പിച്ചു. പെട്രാ വിറ്റോവ ജര്മ്മനിയുടെ ലോറാ സീജ്മുണ്ടിനെ 6-3,6-3ന് അനായാസം മറികടന്നാണ് സെമിയിലെത്തിയത്.
