ഷാര്ജ: ഭാഗ്യ തട്ടകമായ ഷാര്ജയില് രാജസ്ഥാന് വെല്ലുവിളി ഉയര്ത്തി ഡല്ഹി ക്യാപിറ്റല്സ്. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഡല്ഹി നിശ്ചിത 20 ഓവറില് 8 വിക്കറ്റ് നഷ്ടത്തില് 184 റണ്സെടുത്തു.
ഓപ്പണര് ശിഖര് ധവാന്(5) തുടക്കത്തില് തന്നെ പുറത്തായി. പൃഥ്വി ഷാ 10 പന്തില് 19 റണ്സെടുത്തു. പിന്നാലെ എത്തിയ ശ്രേയസ് അയ്യരും(22) ഋഷഭ് പന്തും(5) കാര്യമായ സംഭാവന നല്കാതെ മടങ്ങിയെങ്കിലും 39 റണ്സെടുത്ത മാര്ക്കസ് സ്റ്റോയിനിസിന്റെയും 25 പന്തില് ഒരു ബൗണ്ടറിയും 5 സിക്സറുകളും പറത്തിയ ഷിമ്രോണ് ഹെറ്റ്മയറിന്റെയും പ്രകടനമാണ് ഡല്ഹിക്ക് മികച്ച സ്കോര് സമ്മാനിച്ചത്.
രാജസ്ഥാന് വേണ്ടി ജോഫ്ര ആര്ച്ചര് 4 ഓവറില് 24 റണ്സ് വഴങ്ങി 3 വിക്കറ്റ് വീഴ്ത്തി. കാര്ത്തിക് ത്യാഗി, ആന്ഡ്രൂ ടൈ, രാഹുല് തെവാതിയ എന്നിവര് ഓരോ വിക്കറ്റ് വീതം സ്വന്തമാക്കി.
