അബുദാബി: കൊല്‍ക്കത്ത നൈറ്റ് റൈഡേഴ്‌സിനെതിരെ കിംഗ്‌സ് ഇലവന്‍ പഞ്ചാബിന് റണ്‍സ് വിജയലക്ഷ്യം. ടോസ് നേടി ആദ്യം ബാറ്റ് ചെയ്ത കൊല്‍ക്കത്ത നിശ്ചിത 20 ഓവറില്‍ 6 വിക്കറ്റ് നഷ്ടത്തില്‍ 164 റണ്‍സെടുത്തു.
കഴിഞ്ഞ മത്സരത്തില്‍ വെടിക്കെട്ട് പ്രകടനം പുറത്തെടുത്ത രാഹുല്‍ ത്രിപാഠി (4) തുടക്കത്തില്‍ തന്നെ പുറത്തായി. യുവതാരം ശുഭ്മാന്‍ ഗില്‍ അര്‍ദ്ധ സെഞ്ച്വറി കുറിച്ചു. ഗില്‍ 47 പന്തില്‍ 5 ബൗണ്ടറി സഹിതം 57 റണ്‍സെടുത്തു. മൂന്നാമനായെത്തിയ നിതീഷ് റാണ 2 റണ്‍സിന് പുറത്തായി. ഇയോന്‍ മോര്‍ഗന്‍ 24 റണ്‍സെടുത്തപ്പോള്‍ സമീപകാലത്തെ പ്രകടനത്തില്‍ ഏറെ വിമര്‍ശനം ഏറ്റുവാങ്ങിയ നായകന്‍ ദിനേഷ് കാര്‍ത്തിക് ഫോമില്‍ തിരിച്ചെത്തി. 23 പന്തില്‍ 7 ബൗണ്ടറികളും രണ്ട് സിക്‌സറുകളും പറത്തിയ കാര്‍ത്തിക് അര്‍ദ്ധ സെഞ്ച്വറി പൂർത്തിയാക്കി. കാര്‍ത്തിക്കാണ് (58) കൊല്‍ക്കത്തയുടെ ടോപ് സ്‌കോറര്‍. വെടിക്കെട്ട് ബാറ്റ്‌സ്മാന്‍ ആന്ദ്രെ റസല്‍ 5 റണ്‍സിന് പുറത്തായി.
പഞ്ചാബിന് വേണ്ടി രവി ബിഷ്‌നോയ് 4 ഓവറില്‍ 25 റണ്‍സ് മാത്രം വഴങ്ങി 1 വിക്കറ്റ് വീഴ്‌ത്തി. മൊഹമ്മദ് ഷമി, അര്‍ഷ്ദീപ് സിംഗ് എന്നിവരും ഓരോ വിക്കറ്റ് വീതം സ്വന്തമാക്കി.
