ദുബായ്: സഞ്ജു സാംസണ് തന്റെ ഐ.പി.എല് നേട്ടങ്ങള് ആവര്ത്തിക്കുന്നു. 100-ാം ഐ.പി.എല് മത്സരത്തിനാണ് സഞ്ജു ഇന്നലെ സണ്റൈസേഴ്സിനെതിരെ ഇറങ്ങിയത്. വിക്കറ്റ് കീപ്പര് ബാറ്റ്സ്മാന് എന്ന നിലയില് കളിക്കുന്ന സഞ്ജു 2013ലാണ് ഐ.പി.എല്ലില് എത്തിയത്. വലം കയ്യന് ബാറ്റ്സ്മാനായ സഞ്ജു അവശ്യഘട്ടത്തില് പന്തെറിയാനും ഒരുക്കമാണ്.
2020 സീസണില് 7 മത്സരങ്ങളിലായി 202 റണ്സാണ് ഇതുവരെ എടുത്തത്. 85 റണ്സാണ് ഉയര്ന്ന സ്കോര്. ആകെ നേടിയത് രണ്ട് അര്ദ്ധ സെഞ്ച്വറികള്. ഐ.പി.എല്ലില് ഇതുവരെ 100 മത്സരങ്ങളിലിറങ്ങിക്കഴിഞ്ഞു. ആകെ 96 ഇന്നിംഗ്സിലാണ് കളിച്ചത്. 2019ലെ ഒരു സെഞ്ച്വറി അടക്കം ആകെ 2411 റണ്സാണ് അടിച്ചിരിക്കുന്നത്. സീസണുകളിലെ ഏറ്റവും ആധികം റണ്സടിച്ച നേട്ടം 2018ലെ 441 ആണ്.
Comments