കൊൽക്കത്ത : ഐപിഎല്ലിൽ ദിനേശ് കാർത്തിക് കൊൽക്കത്ത നൈറ്റ് റൈഡേഴ്സ് നായകസ്ഥാനം ഒഴിഞ്ഞു. ബാറ്റിംഗിൽ ശ്രദ്ധ കേന്ദ്രീകരിക്കുന്നതിന് വേണ്ടിയാണ് സ്ഥാനമൊഴിഞ്ഞതെന്നാണ് ടീമിന്റെ ഔദ്യോഗിക വിശദീകരണം. ഇംഗ്ലണ്ട് നായകൻ ഇയാൻ മോർഗൻ ഇനി ടീമിനെ നയിക്കുമെന്നും കെകെആർ സിഇഒ വാർത്താക്കുറിപ്പിൽ അറിയിച്ചു.
കാർത്തിക്കിന്റെ നായകസ്ഥാനത്തെ സംബന്ധിച്ച് നേരത്തെ തന്നെ വിവാദങ്ങൾ ഉടലെടുത്തിരുന്നു.. ഇംഗ്ലണ്ടിന് ലോകകപ്പ് നേടിക്കൊടുത്ത ഇയാൻ മോർഗൻ ടീമിലുള്ളപ്പോൾ കാർത്തിക്കിനെ നായകനാക്കിയ കെകെആറിന്റെ നടപടിയ്‌ക്കെതിരെ രീക്ഷമായ വിമർശനങ്ങൾ ഉയർന്നിരുന്നു. ഇത് കൂടാതെ ടീമിന്റെ തുടർച്ചയായ മോശം പ്രകടനവും കാർത്തിക്കിന്റെ നായക സ്ഥാനം തെറിക്കാൻ കാരണമായി.
ഇന്ന് മുംബൈയ്‌ക്കെതിരെയാണ് കൊൽക്കത്തയുടെ അടുത്ത മത്സരം.
