പലവിധത്തിലുള്ള വാഹന മോഡിഫിക്കേഷനുകൾ നമ്മൾ കണ്ടിട്ടുണ്ട്. റോയൽ എൻഫീൽഡ്, യമഹ RX100 എന്നിവയാണ് പലപ്പോഴും മോഡിഫിക്കേഷന് വിധേയമാകാറുള്ളത്. വളരെ അപൂർവമായ ഒരു വാഹനവും മോഡിഫിക്കേഷനും ആണ് ഇന്ന് നോക്കുന്നത്. സൂരജ് 325 ഡീസൽ മോട്ടോർസൈക്കിൾ ആണ് രൂപമാറ്റം വരുത്തിയിരിക്കുന്നത്.
റോയൽ എൻഫീൽഡിന് സമാനമായ രീതിയിലുള്ള ഡീസൽ എഞ്ചിനാണ് ഇതിന് ഉപയോഗിച്ചിരിക്കുന്നത്. അതിനാൽ തന്നെ എൻഫീൽഡ് രൂപമാറ്റം വരുത്തിയാണ് ഈ വാഹനം നിർമ്മിച്ചിരിക്കുന്നത് എന്നാണ് ഒറ്റനോട്ടത്തിൽ തോന്നുക.
ഏകദേശം ഒരു വർഷം മുമ്പ് ഈ വാഹനം മുൻ ഉടമയുടെ കയ്യിൽ എത്തിയപ്പോൾ ആക്രി വാഹനത്തിന് തുല്യമായ രൂപമായിരുന്നു ഉണ്ടായിരുന്നത്. പിന്നീട് അദ്ദേഹം വാഹനത്തിന്റെ നിറം മാറ്റുകയും റോയൽ എൻഫീൽഡിന്റെ സ്റ്റിക്കറുകൾ ഒട്ടിക്കുകയും ചെയ്തു. പിന്നീട് ഈ വാഹനം സ്വന്തമാക്കിയ ഉടമ വാഹനത്തിന്റെ രൂപം പൂർണമായും മാറ്റി. വാഹനത്തിന്റെ എല്ലാ ഭാഗങ്ങളും ഒറിജിനൽ പാർട്സുകൾ തന്നെ ആക്കാനും അദ്ദേഹം ശ്രദ്ധിച്ചു. ഏകദേശം ഒരു വർഷമാണ് വാഹനത്തെ ഇത്തരത്തിലൊരു രൂപത്തിലേക്ക് മാറ്റിയെടുക്കാൻ ആവശ്യമായി വന്നത്.
70 മുതൽ 80 കിലോമീറ്റർ വരെ മൈലേജ് നൽകാൻ ഇതിനാകും. 8 ലിറ്റർ ആണ് ടാങ്ക് കപ്പാസിറ്റി.
ഇദ്ദേഹം ചെയ്ത വാഹന മോഡിഫിക്കേഷനുകളിൽ വെച്ച് ഏറ്റവും മനോഹരവും പെർഫെക്ഷൻ ഉള്ളതുമായ വാഹനം ആണ് ഇത്. എന്നാൽ അതേ സമയം ഈ ഒരു രൂപമാറ്റത്തിനായി ഉടമ ചിലവഴിച്ച തുകയെ പറ്റി വീഡിയോയിൽ പറയുന്നില്ല.
റോയൽ റോഡ്‌സ് 500 എന്ന യൂട്യൂബ് ചാനലിൽ ആണ് കോയമ്പത്തൂർ ഉള്ള ഈ വാഹനത്തെ പറ്റി വീഡിയോ വന്നിരിക്കുന്നത്. ഈയൊരു വാഹനത്തെ നേരിൽ കാണാനും വീഡിയോ ചെയ്യാനുമായി 180 കിലോമീറ്റർ ദൂരമാണ് വ്ലോഗർ സഞ്ചരിച്ചത്.
Comments