ദുബായ്: രാജസ്ഥാന് റോയല്സിനെതിരെ സണ്റൈസേഴ്സ് ഹൈദരാബാദിന് 155 റണ്സ് വിജയലക്ഷ്യം. ടോസ് നഷ്ടപ്പെട്ട് ബാറ്റിംഗിനിറങ്ങിയ രാജസ്ഥാന് നിശ്ചിത 20 ഓവറില് 6 വിക്കറ്റ് നഷ്ടത്തില് 154 റണ്സ് എടുക്കാനെ സാധിച്ചുള്ളൂ.
ഓപ്പണര്മാരായ റോബിന് ഉത്തപ്പയും ബെന് സ്റ്റോക്സും രാജസ്ഥാന് ഭേദപ്പെട്ട തുടക്കമാണ് നല്കിയത്. ഇരുവരും ചേര്ന്ന് ഒന്നാം വിക്കറ്റില് 30 റണ്സ് കൂട്ടിച്ചേര്ത്തു. 13 പന്തില് 19 റണ്സുമായി മികച്ച രീതിയില് ബാറ്റ് ചെയ്ത ഉത്തപ്പ റണ്ണൗട്ടാകുകയായിരുന്നു. സ്റ്റോക്സ് 30 റണ്സെടുത്തു. അപകടകാരിയായ ജോസ് ബട്ലര് 9 റണ്സുമായി മടങ്ങിയപ്പോള് മലയാളി താരം സഞ്ജു സാംസണ് 36 റണ്സെടുത്തു. സ്റ്റീവ് സ്മിത്ത് 19ഉം റിയാന് പരാഗ് 20 റണ്സുമെടുത്തു. ജോഫ്ര ആര്ച്ചര് 16 റണ്സുമായി പുറത്താകാതെ നിന്നു.
ഹൈദരാബാദിന് വേണ്ടി ജേസണ് ഹോല്ഡര് 4 ഓവറില് 33 റണ്സ് വഴങ്ങി 3 വിക്കറ്റ് വീഴ്ത്തി. വിജയ് ശങ്കര്, റാഷിദ് ഖാന് എന്നിവര് ഓരോ വിക്കറ്റ് വീതം സ്വന്തമാക്കി.
മറുപടി ബാറ്റിംഗില് ഹൈദരാബാദിന് നായകന് ഡേവിഡ് വാര്ണറിന്റെയും(4) ജോണി ബെയര്സ്റ്റോയുടെയും(10) വിക്കറ്റുകള് തുടക്കത്തില് തന്നെ നഷ്ടമായിരിക്കുകയാണ്. ജോഫ്ര ആര്ച്ചറാണ് രണ്ട് വിക്കറ്റുകളും വീഴ്ത്തിയത്. ഒടുവില് വിവരം ലഭിക്കുമ്പോള് ഹൈദരാബാദ് 6 ഓവറില് 2 വിക്കറ്റ് നഷ്ടത്തില് 58 റണ്സെന്ന നിലയിലാണ്.
Comments