മാഡ്രിഡ്: സ്പാനിഷ് ലീഗിൽ ഇന്നലെ നടന്ന മത്സരത്തിൽ റയലിന് പിന്നാലെ അത്ലറ്റികോയ്ക്കും ജയം. മറ്റ് മത്സരങ്ങളിൽ സെവിയ്യയും അത്ലറ്റികോ ബിൽബാവോയും പരാജയപ്പെട്ടു.
അതിലറ്റികോ മാഡ്രിഡ് എതിരില്ലാത്ത രണ്ടു ഗോളുകൾക്കാണ് റയൽ ബെറ്റിസിനെ തോൽപ്പിച്ചത്. ലോറന്റേ 46-ാം മിനിറ്റിലാണ് അത്ലറ്റികോവിനായി ആദ്യം ഗോളടിച്ചത്. ഹെർമോസോയുടെ പാസ്സാണ് ലോറന്റേ ഗോളാക്കിയത്. ബാഴ്സ വിട്ടെത്തിയ സുവാരസിന്റെ വകയായിരുന്നു അത്ലറ്റികോയുടെ രണ്ടാം ഗോൾ സാന്റോസാണ് ഗോളിലേക്കുള്ള വഴി തുറന്നത്.
സെവിയ തോറ്റത് ഏകപക്ഷീയമായ ഒരു ഗോളിന് ഈബറിനോടാ യിരുന്നു. കിക്കേയാണ് 41-ാം മിനിറ്റിൽ ഗോൾ നേടിയത്. നാലാം മത്സരത്തിൽ ഒസാസുന ഏക ഗോളിന് അത്ലറ്റികോ ക്ലബ്ബിനെ തോൽപ്പിച്ചു. റൂബൻ ഗ്രാസിയയാണ് 81-ാം മിനിറ്റിലെ പെനാൽറ്റി മുതലാക്കിയത്.
Comments