ദുബായ്: പഞ്ചാബ് കിംഗ്‌സ് ഇലവനുവേണ്ടി തകര്‍പ്പന്‍ ബാറ്റിംഗ് പ്രകടനം നടത്തിയ വെസ്റ്റിന്‍ഡീസ് താരം ക്രിസ് ഗെയില്‍ സിക്‌സറുകളില്‍ ചരിത്രനേട്ടം കുറിച്ചു. ടി20 ക്രിക്കറ്റില്‍ ആയിരം സിക്‌സറുകള്‍ തികയ്‌ക്കുന്ന ആദ്യ ബാറ്റ്‌സ്മാനെന്ന ലോക നേട്ടമാണ് ഗെയില്‍ നേടിയത്. ഇന്നലെ രാജസ്ഥാന്‍ റോയല്‍സിനെതിരെ നേടിയ 99 റണ്‍സ് പ്രകടനത്തില്‍ പറത്തിയത് 8 സിക്‌സറുകളായിരുന്നു. ഇന്നലെ 8 സിക്സറുകളുടെ നേട്ടത്തോടെ 1001 സിക്സറാണ് ഗെയിൽ അടിച്ചെടുത്തത്.
410 മത്സരങ്ങളിലാണ് ക്രിസ് ഗെിയല്‍ തന്റെ 1000 സിക്‌സറുകള്‍ പൂര്‍ത്തിയാക്കിയത്. രണ്ടാം സ്ഥാനത്തുള്ള സഹതാരം കീറന്‍ പൊള്ളാര്‍ഡ് 690 സിക്‌സറുകളുമായി ഏറെ പിന്നിലാണ്. 485 സിക്‌സറുകളടിച്ച ന്യൂസിലാന്റിന്റെ ബ്രന്‍ഡന്‍ മക്കുല്ലമാണ് മൂന്നാം സ്ഥാനത്ത്.
