ദോഹ: ഫുട്ബോള് ലോകകപ്പിനെ 2022ല് മണലാരണ്യത്തിന്റെ മടിത്തട്ടിലേക്ക് ആനയിക്കുന്ന ഖത്തര് 2027ലെ ഏഷ്യാകപ്പ് ഫുട്ബോളിന്റെ ആതിഥ്യമരുളാനും തയ്യാറായി രംഗത്ത്. ഏഷ്യന് മേഖലയിലെ കരുത്തരായി മാറാനുള്ള തയ്യാറെടുപ്പിലാണ് ഏഷ്യാകപ്പ് ഫുട്ബോളിന് ആധിത്യമരുളാനും ഖത്തര് തയ്യാറാവുന്നത്. 2027ലെ ഏഷ്യാകപ്പിനായിട്ടാണ് പേരു നല്കിയിരിക്കുന്നതെന്ന് ഖത്തര് ഫുട്ബോള് അസോസിയേഷന് അറിയിച്ചു. ഖത്തറിന് എല്ലാ പിന്തുണയുമായി ഏഷ്യന് ഫുട്ബോള് ഫെഡറേഷനും രംഗത്തുണ്ട്.
മേഖലയിലെ എല്ലാ ഫുട്ബോള് ആരാധകരേയും ഖത്തറിലേക്ക് ആകര്ഷിക്കാനും യുവതാരങ്ങളെ ഏഷ്യയില് നിന്നും കണ്ടെത്തി പരിശീലിപ്പിക്കാനുള്ള തട്ടകമായി ഖത്തറിനെമാറ്റുമെന്നുമാണ് ഖത്തര് അസോസിയേഷന് പറഞ്ഞിരിക്കുന്നത്. കഴിഞ്ഞ ആഗസ്റ്റ് മാസം 26ന് ലോകകപ്പിനുള്ള അപേക്ഷ നല്കിയതായി ഖത്തര് അറിയിച്ചു.
ഗള്ഫ് മേഖലയിലെ അതിസമ്പന്ന രാജ്യമെന്ന നിലയില് ഒരു വര്ഷത്തിനുള്ളില് നടക്കാനിരിക്കുന്ന ലോകപ്പിനായി ഖത്തര് തയ്യാറെടുപ്പുകള് ആരംഭിച്ചു കഴിഞ്ഞു. ഫുട്ബോള് സറ്റേഡിയങ്ങളുടെ നവീകരണത്തിനൊപ്പം ആരാധകരെ വരവേല്ക്കാന് മികച്ച ഹോട്ടല് ഗ്രൂപ്പുകളെല്ലാം തയ്യാറെടുക്കുകയാണ്. ആതിഥേയ ടീം എന്ന നിലയില് ഗ്രൂപ്പ് എയില് ആദ്യ ടീമായി ഖത്തര് സ്ഥാനം പിടിച്ചിരിക്കുകയാണ്. 2022 നവംബര് 21നാണ് ആദ്യ വിസില് മുഴങ്ങുക. അല് ഖോറിലെ അല് ബയാത് സ്്റ്റേഡിയത്തിലാണ് ആദ്യ മത്സരം നടക്കുന്നത്. സിസംബര് 13, 14 ആയി സെമിഫൈനലുകളും 18ന് കിരീട പോരാട്ടവും നടക്കും. ലൂസെയില് സ്റ്റേഡിയത്തിലാണ് ഫൈനല് നടക്കുന്നത്.
