ഇന്ന് ലോകത്തു തന്നെ നിരവധി ആളുകള് ഏറ്റവും കൂടുതലായി ഉപയോഗിക്കുന്ന മൊബൈല് ആപ്ലിക്കേഷനുകളില് മുന്പന്തിയില് നില്ക്കുന്ന ഒന്നാണ് വാട്ട്സ് ആപ്പ്. ഉപഭോക്താക്കള്ക്ക് ഏറെ ഉപകാരപ്രദമാകും വിധം വാട്ട്സ് ആപ്പില് നിന്നും പുതുമയേറിയ അപ്പ്ഡേഷനുകള് ഇടയ്ക്കിടെ ലഭിയ്ക്കാറുണ്ട്. അതുപോലെ തന്നെ ചില പുത്തന് അപ്പ്ഡേഷനുകളുമായി വാട്ട്സ് ആപ്പ് വീണ്ടും എത്തിയിരിക്കുന്നു. പ്രായ വ്യത്യാസമില്ലാതെ ഇന്ന് എല്ലാവരും വാട്ട്സ് ആപ്പിന്റെ ഉപയോഗം തേടുന്നവരാണ്. എങ്കിലും യുവ തലമുറയാണ് കൂടുതലായി വാട്ട്സ് ആപ്പിലെ നൂതന സംവിധാനങ്ങള് കൂടുതലായി ഉപയോഗപ്പെടുത്തുന്നത്.
അതുകൊണ്ട് തന്നെ അവര്ക്ക് ഏറെ ഉപകാരപ്പെടുന്ന അഡ്വാന്സ് സെര്ച്ച് ഓപ്ഷനും കൂടാതെ ആനിമേറ്റഡ് സ്റ്റിക്കറുകളും, വാള്പേപ്പര് ചേഞ്ച് ചെയുന്ന സംവിധാനവുമാണ് പുതിയ അപ്പ്ഡേഷനിലൂടെ ഉപഭോക്താക്കള്ക്ക് ലഭിക്കുന്നത്. ആദ്യമായി അഡ്വാന്സ് സെര്ച്ച് ഓപ്ഷനാണ് ഉപഭോക്താക്കള്ക്ക് ലഭ്യമാകുക. അഡ്വാന്സ് സെര്ച്ച് എന്ന ഓപ്ഷനിലൂടെ ഉപഭോക്താവിന് ആവശ്യമായ ചാറ്റുകള്, വിഡിയോകള്, ചിത്രങ്ങള് എന്നിവ എളുപ്പത്തില് തന്നെ തിരഞ്ഞ് എടുക്കാവുന്നതാണ്. മാസങ്ങള്ക്കു മുന്പേ അയച്ച സന്ദേശങ്ങള് ആണെങ്കിലും ഈ ഓപ്ഷനിലൂടെ വളരെ എളുപ്പം കണ്ടു പിടിക്കാവുന്നതാണ്.
ഇപ്പോള് ഈ അപ്പ്ഡേഷനുകള് ആന്ഡ്രോയിഡ്, ഐ ഒ എസ് ഉപഭോതാക്കള്ക്ക് ലഭിക്കുന്നു. കുട്ടികളുടെ പഠനം മുതല് എല്ലാ മേഖലയിലും ഇന്ന് വാട്ട്സ് ആപ്പിന്റെ പങ്ക് ചെറുതൊന്നുമല്ല. ചിത്രങ്ങള്, സന്ദേശങ്ങള്, ശബ്ദ സന്ദശങ്ങള്, വീഡിയോകള്, ഡോക്യുമെന്റുകള് തുടങ്ങി ആവശ്യമായ എല്ലാം തന്നെ വാട്ട്സ് ആപ്പ് വഴി സുരക്ഷിതമായി കൈമാറാന് സാധിക്കുന്നു. അതിനു പുറമേ നൂതനമായ പല ഓപ്ഷനുകളും വാട്ട്സ് ആപ്പ് അപ്പ്ഡേഷനുകള് വഴി ഇടയ്ക്കിടെ ഉപഭോക്താക്കള്ക്കായി നല്കി വരാറുണ്ട്.
Comments