ചെന്നൈ: സിനിമയിലെ തന്റെ സഹപ്രവർത്തകർക്ക് ദീപാവലി സമ്മാനമായി സ്വർണ നാണയവും വസ്ത്രങ്ങളും നൽകി പ്രിയ താരം ചിമ്പു. 400 പേർക്കാണ് ചിമ്പു സമ്മാനം നൽകിയത്.
സെറ്റിലെ ഇരുന്നൂറോളം ജൂനിയർ ആർട്ടിസ്റ്റുകളും താരം സമ്മാനം നൽകയവരുടെ ലിസ്റ്റിലുണ്ട്. സമ്മാനം സ്വീകരിച്ച അംഗങ്ങൾ താരത്തിന് നന്ദി അറിയിച്ചുകൊണ്ട് സമൂഹമാദ്ധ്യമങ്ങളിൽ കുറിപ്പും ചിത്രങ്ങളും പങ്കുവച്ചരുന്നു.
ചിമ്പുവിന്റെ പുതിയ ചിത്രം ഈശ്വരന്റെ പ്രഖ്യാപനം അടുത്തിടെയാണ് നടന്നത്. താരത്തിന്റെ 46-ാം സിനിമയാണിത്. സുശീന്ദ്രനാണ് ഈശ്വരന്റെ സംവിധാനം. രാജ, നിധി അഗർവാൾ, ബാല സരവണൻ എന്നിവരും ചിത്രത്തിൽ അഭിനയിക്കുന്നുണ്ട്. കഴിഞ്ഞ ദിവസമാണ് സിനിമയുടെ ചിത്രീകരണം ദിൻഡിഗലിൽ ആരംഭിച്ചത്.
