സിഡ്നി: ഓസ്ട്രേലിയക്കെതിരെ നടക്കാനിരിക്കുന്ന ക്രിക്കറ്റ് പരമ്പരയ്ക്കായി ടീം ഇന്ത്യ സിഡ്നിയിലെത്തി. രണ്ടു മാസം നീണ്ടു നില്ക്കുന്ന പരമ്പര ഈ മാസം 27നാണ് ആരംഭിക്കുക. ഇന്ത്യന് നായകന് വിരാട് കോഹ്ലിയുടെ നേതൃത്വത്തിലാണ് ടീം ഇന്ത്യ പ്രത്യേക വിമാനത്തില് ഓസ്ട്രേലിയയിലെ സിഡ്നി വിമാനത്താവളത്തിലെത്തിയത്. മൂന്ന് വീതം ഏകദിനങ്ങളും ടി20കളും നാല് ടെസ്റ്റ് മത്സരങ്ങളുമാണ് ഇന്ത്യ ഓസ്ട്രേലിയക്കെതിരെ കളിക്കുന്നത്.
വിദേശ താരങ്ങളെന്ന നിലയില് ടീം ഇന്ത്യയുടെ മുഴുവന് താരങ്ങളും മറ്റ് അനുബന്ധ ജോലിചെയ്യുന്നവരും രണ്ടാഴ്ചത്തെ ക്വാറന്റൈനാണ് പാലിക്കേണ്ടത്. ഇതിനിടയില് നിയന്ത്രണങ്ങളോടെയുള്ള പരിശീലനത്തിന് അനുമതി നല്കിയിട്ടുണ്ട്. ആദ്യ രണ്ട് ഘട്ടങ്ങളിലും ടീമിനൊപ്പം പരിക്കുമൂലം ചേരാന് കഴിയാത്ത രോഹിത് ശര്മ്മയും ഇഷാന്ത് ശര്മ്മയ്ക്കും ടെസ്റ്റ് മത്സരങ്ങള്ക്കായി ഡിസംബര് മാസത്തില് സിഡ്നിയിലെത്തും.
Comments