ലണ്ടന്‍: അട്ടിമറികളുടെ രാജാക്കന്മാരായ ഉറുഗ്വന്‍ നിരയെ തകര്‍ത്ത് ബ്രസീല്‍ 2022 ഖത്തര്‍ ലോകകപ്പിന് യോഗ്യത നേടി. എതിരില്ലാത്ത രണ്ടു ഗോളുകള്‍ക്കാണ് മഞ്ഞപ്പട ഉറുഗ്വയെ തോല്‍പ്പിച്ചത്. കളിയുടെ ആദ്യ പകുതിയില്‍ 2-0ന് മുന്നിലെത്തിയ ലാറ്റിനമേരിക്കന്‍ നിരക്കെതിരെ ഉറുഗ്വേയുടെ നീക്കങ്ങള്‍ പ്രതിരോധത്തില്‍ തട്ടി തകര്‍ന്നു.
കളിയുടെ 34-ാം മിനിറ്റിലാണ് ആര്‍തര്‍ മെലോ ബ്രസീലിന്റെ ആദ്യ ഗോള്‍ നേടിയത്. 45-ാം മിനിറ്റില്‍ റിച്ചാര്‍ലീസണ്‍ രണ്ടാം ഗോളും വലയിലാക്കി. പ്രത്യാക്രമണം ശക്തമാക്കിയ ഉറുഗ്വേയ്‌ക്ക് അവസാന നിമിഷങ്ങളില്‍ ക്ഷീണമായി എഡിസണ്‍ കാവനിക്ക് ചുവപ്പുകാര്‍ഡ് കാണേണ്ടി വന്നു. 71-ാം മിനിറ്റിലെ ടാക്ലിംഗിനിടെയാണ് കവാനിക്ക് പുറത്തുപോകേണ്ടി വന്നത്. 10 പേരുമായി കളിക്കേണ്ടി വന്ന ഉറുഗ്വേയ്‌ക്ക് നിര്‍ണ്ണായക നീക്കങ്ങള്‍ പിന്നീട് നടത്താനായില്ല.
