മിലാന്: ഇറ്റാലിയന് ലീഗില് ക്രിസ്റ്റ്യാനോ റൊണാൾഡോയുടെ മികവില് ലീഗ് ചാമ്പ്യന്മാരായ യുവന്റസിന് ജയം. എതിരില്ലാത്ത രണ്ടു ഗോളുകള്ക്ക് കാഗ്ലിയാരിയേയാണ് യുവന്റസ് തോല്പ്പിച്ചത്. ലീഗിലെ മറ്റ് മത്സരങ്ങളില് ലാസിയോ 2-0ന് ക്രോട്ടോണയെ തകര്ത്തപ്പോള് അത്ലനാന്റയെ സ്പേസിയ ഗോള് രഹിത സമനിലയിൽ കുരുക്കി.
ആദ്യ മത്സരത്തില് ലീഗില് രണ്ടാം സ്ഥാനക്കാരായ യുവന്റസ് ഏറ്റുമുട്ടിയത് പതിനൊന്നാം സ്ഥാനക്കാരായ കാഗ്ലിയാരിയോടാണ്. കളിയുടെ ആദ്യപകുതിയില്ത്തന്നെ കാഗ്ലിയാരി ക്രിസ്റ്റ്യാനോയുടെ കാലിന്റെ ചൂടറിഞ്ഞു. 38, 42 മിനിറ്റുകളില് പോര്ച്ചുഗല് താരം എതിരാളികളുടെ ഗോള് വല തുളച്ചു. ലീഗ് സീസണിൽ അഞ്ചു മത്സരങ്ങളിലായി ക്രിസ്റ്റ്യാനോ എട്ടു ഗോളുകൾ നേടിക്കഴിഞ്ഞു.
ഇന്നലെ നടന്ന മറ്റ് മത്സരത്തില് ലാസിയോ ക്രോട്ടോണയെ എതിരില്ലാത്ത രണ്ടു ഗോളുകള്ക്ക് തകര്ത്തു. 21-ാം മിനിറ്റില് സിറോ ഇമ്മോബിലേയും 58-ാം മിനിറ്റില് ജൊവാക്വീന് കൊറിയയുമാണ് ഗോള് നേടിയത്. കഴിഞ്ഞ സീസണില് യൂറോപ്പ്യന് ഫുട്ബോളിലെ ഗോള്വേട്ടക്കാരനും ഗോള്ഡന് ഷൂ പുരസ്കാര ജേതാവുമാണ് ഇമ്മോബിലേ.
