ദുബായ് : കഴിഞ്ഞ പത്തുവർഷത്തെ ഏറ്റവും മികച്ച കളിക്കാരെ തീരുമാനിക്കുന്ന പട്ടികയിലേക്ക് ഇന്ത്യയിൽ നിന്ന് നോമിനേഷൻ നേടി ആറ് ക്രിക്കറ്റ് താരങ്ങൾ. വിവിധ വിഭാഗങ്ങളിലേക്കാണ് ആറു പേരെ ഐ.സി.സി നോമിനേറ്റ് ചെയ്തത്. ഇതിൽ പുരുഷന്മാരുടെ എല്ലാ വിഭാഗങ്ങളിലേക്കും ഇന്ത്യൻ ക്യാപ്ടൻ വിരാട് കോഹ്ലി യോഗ്യത നേടി.
പത്തുവർഷത്തെ പുരുഷ വിഭാഗത്തിലെ ഏറ്റവും മികച്ച കളിക്കാരുടെ പട്ടികയിൽ ഇന്ത്യയിൽ നിന്ന് വിരാട് കോഹ്ലിയും രവിചന്ദ്ര അശ്വിനുമാണ് നോമിനേഷൻ നേടിയത്. വനിത വിഭാഗത്തിൽ മിതാലി രാജും ജുലൻ ഗോസ്വാമിയും നോമിനേറ്റ് ചെയ്യപ്പെട്ടിട്ടുണ്ട്.
പത്തുവർഷത്തെ ഏറ്റവും മികച്ച പുരുഷ ഏകദിന താരങ്ങളുടെ പട്ടികയിലേക്ക് വിരാട് കോഹ്ലിയും രോഹിത് ശർമ്മയും മഹേന്ദ്ര സിംഗ് ധോണിയും നോമിനേറ്റ് ചെയ്യപ്പെട്ടിട്ടുണ്ട്. ടെസ്റ്റ് വിഭാഗത്തിൽ ഇന്ത്യയിൽ നിന്ന് കോഹ്ലി മാത്രമേ പട്ടികയിലുള്ളൂ. ടി20 താരങ്ങളുടെ പട്ടികയിൽ കോഹ്ലിക്കൊപ്പം രോഹിത് ശർമ്മ ഇടം പിടിച്ചപ്പോൾ സ്പിരിറ്റ് ഓഫ് ക്രിക്കറ്റ് അവാർഡ് നോമിനേഷനിൽ കോഹ്ലിക്കൊപ്പം മഹേന്ദ്ര സിംഗ് ധോണിയാണ് ഇടം നേടിയത്.
വിവിധ ഇനങ്ങളും നോമിനേഷൻ നേടിയ കളിക്കാരും
പത്തുവർഷത്തെ പുരുഷ താരം : വിരാട് കോഹ്ലി , ആർ.അശ്വിൻ , ജോ റൂട്ട്, കെയ്ൻ വില്യംസൺ , സ്റ്റീവ് സ്മിത്ത് , എബി ഡിവില്ലിയേഴ്സ് , കുമാർ സംഗക്കാര
പത്തുവർഷത്തെ വനിത താരം : എലിസ് പെറി , മെഗ് ലാനിംഗ് , സൂസി ബേറ്റ്സ് , സ്റ്റെഫാനി ടെയ്ലർ, മിതാലി രാജ് , സാറാടെയ്ലർ
പത്തുവർഷത്തെ പുരുഷ ഏകദിന താരം : വിരാട് കോഹ്ലി, ലസിത് മലിംഗ , മിച്ചൽ സ്റ്റാർക്ക് , എബി ഡിവില്ലിയേഴ്സ് , രോഹിത് ശർമ്മ , എം.എസ് ധോണി, കുമാർ സംഗക്കാര
പത്തുവർഷത്തെ വനിത ഏകദിന താരം : മെഗ് ലാനിംഗ് , എൽസി പെറി, മിതാലി രാജ് , സൂസി ബേറ്റ്സ് , സ്റ്റെഫാനി ടെയ്ലർ, ജുലൻ ഗോസ്വാമി
പത്തുവർഷത്തെ പുരുഷ ടെസ്റ്റ് താരം : വിരാട് കോഹ്ലി , കെയ്ൻ വില്യംസൺ , സ്റ്റീവ് സ്മിത്ത് , ജെയിംസ് ആൻഡേഴ്സൺ , രംഗന ഹെറാത്ത് , യാസിർ ഷാ
പത്തുവർഷത്തെ ടി20 താരം : റാഷിദ് ഖാൻ , വിരാട് കോഹ്ലി , ഇമ്രാൻ താഹിർ , ആരോൺ ഫിഞ്ച് , ലസിത് മലിംഗ , ക്രിസ് ഗെയ്ൽ , രോഹിത് ശർമ്മ
ഐസിസി സ്പിരിറ്റ് ഓഫ് ക്രിക്കറ്റ് അവാർഡ് : വിരാട് കോഹ്ലി , കെയ്ൻ വില്യംസൺ , ബ്രണ്ടൻ മക്കല്ലം , മിസ്ബ ഉൾ ഹഖ് , എം.എസ് ധോണി , അന്യ ഷ്രുബ്സോലെ , കാതറിൻ ബ്രണ്ട് , മഹേല ജയവർദ്ധനെ , ഡാനിയൽ വെറ്റോറി
