യുവതാരങ്ങളില് ശ്രദ്ധേയനായ മലയാളി പ്രേക്ഷകരുടെ ഇഷ്ടതാരം നിവിന് പോളിയുടെ പുതിയ സിനിമയുടെ ചിത്രീകരണം പൂര്ത്തിയായി. കനകം കാമിനി കലഹം എന്ന സിനിമയുടെ ചിത്രീകരണമാണ് എറണാകുളത്ത് പൂര്ത്തിയായത്. രതീഷ് ബാലകൃഷ്ണന് പൊതുവാളാണ് ചിത്രത്തിന്റെ സംവിധാനം. ഹാപ്പി വെഡ്ഡിങ്ങ് എന്ന ചിത്രത്തിലൂടെ മലയാള സിനിമയിലേക്ക് കടന്നു വന്ന ഗ്രേസ് ആന്റണിയാണ് ചിത്രത്തിലെ നായിക. ഹാപ്പി വെഡ്ഡിങ്ങിനു ശേഷം ജോര്ജേട്ടന്സ് പൂരം, ലക്ഷ്യം തുടങ്ങിയ ചിത്രങ്ങളില് അഭിനയിച്ചെങ്കിലും കുമ്പളങ്ങി നൈറ്റ്സ് എന്ന ചിത്രത്തിലെ സിമി മോളിലൂടെയാണ് ഗ്രേസ് പ്രേക്ഷക ശ്രദ്ധ പിടിച്ചു പറ്റിയത്.
വിനയ് ഫോര്ട്ട്, ജോയ് മാത്യു, ജാഫര് ഇടുക്കി, വിന്സി അലോഷ്യസ്, രാജേഷ് മാധവന് തുടങ്ങിയവരാണ് ചിത്രത്തിലെ മറ്റു താരങ്ങള്. ഒരു കുഞ്ഞു റോബോട്ടിനെ കേന്ദ്ര കഥാപാത്രമാക്കി കൊണ്ട് കഴിഞ്ഞ വര്ഷം പുറത്തിറങ്ങിയ ആന്ഡ്രോയ്ഡ് കുഞ്ഞപ്പന് എന്ന ചിത്രത്തിനു ശേഷം രതീഷ് ബാലകൃഷ്ണന് പൊതുവാള് സംവിധാനം ചെയ്യുന്ന ചിത്രമാണിത്. ആന്ഡ്രോയ്ഡ് കുഞ്ഞപ്പന് എന്ന ചിത്രം ഏറെ പ്രേക്ഷക ശ്രദ്ധ പിടിച്ചു പറ്റിയ ഹിറ്റ് ചിത്രമായിരുന്നു. അത്തരത്തില് പ്രേക്ഷകര്ക്ക് രസകരമായ നിമിഷങ്ങള് സമ്മാനിക്കുന്ന ഒരു ചിത്രമാകും കനകം കാമിനി കലഹം.
വിനോദ് ഇല്ലംപിള്ളിയാണ് സിനിമയുടെ ഛായാഗ്രഹണം നിര്വഹിക്കുന്നത്.പോളി ജൂനിയര് പ്രൊഡക്ഷന്സിന്റെ ബാനറില് നിവിന് പോളിയാണ് ഈ സിനിമ നിര്മിക്കുന്നത്. മഹാമാരിയുടെ വ്യാപനത്തിനിടയില് ആരോഗ്യ വകുപ്പും സര്ക്കാറും നല്കിയിട്ടുളള എല്ലാ നിര്ദ്ദേശങ്ങളും മാനദണ്ഡങ്ങളും പാലിച്ചു കൊണ്ടാണ് സിനിമയുടെ ചിത്രീകരണം പൂര്ത്തിയാക്കിയത്. ഒക്ടോബര് പതിനൊന്നിന് തന്റെ പിറന്നാള് ദിനത്തിലാണ് നിവിന് പോളി സോഷ്യല് മീഡീയ വഴി ചിത്രത്തിന്റെ ടൈറ്റില് പോസ്റ്റര് പുറത്തുവിട്ടത്.
