ബാഴ്സലോണ: ലോക ഫുട്ബോള് ഇതിഹാസം മറഡോണയെ അനുസ്മരിച്ചതിന് പുറമേ പെരുമാറ്റച്ചട്ട ലംഘനത്തിന് ശിക്ഷ. ബാഴ്സലോണയുടെ ലയണ് മെസ്സിക്കും ടീമിനുമാണ് പിഴയിട്ടത്. മെസ്സിയും ടീമും ചേര്ന്ന് ഒരു ലക്ഷം രൂപയ്ക്ക് തുല്യമായ തുകയാണ് പിഴയൊടുക്കേണ്ടത്.
മറഡോണ അന്തരിച്ച ശേഷം നടന്ന മത്സരത്തില് ഓസാസുനയ്ക്കെതിരെ ഗോള് നേടിയ ശേഷമാണ് മെസ്സി അകത്ത് ധരിച്ചിരുന്ന ജഴ്സി പ്രദര്ശിപ്പിച്ചത്. കളിക്കളത്തില് ജഴ്സിയൂരി യാതൊരുപ്രകടനവും നടത്തരുതെന്ന പെരുമാറ്റച്ചട്ടം ലംഘിച്ചതിനാണ് പിഴ ഒടുക്കേണ്ടിവന്നത്. മെസ്സി 600 യൂറോയും ക്ലബ്ബ് 180 യൂറോയും പിഴ നല്കണം. കളിക്കിടെ മറഡോണ മുമ്പ് ഉപയോഗിച്ചിരുന്ന ന്യൂവെല്സ് ഓള്ഡ് ബോയ്സിന്റെ ജഴ്സി പ്രദര്ശിപ്പിച്ചാണ് തന്റെ ആവേശമായ താരത്തിന് പ്രണാമങ്ങള് അര്പ്പിച്ചത്. ഫുട്ബോള് നിയമത്തിലെ 93-ാം വകുപ്പനുസരിച്ചാണ് പിഴയെന്നും മറഡോണയുടെ പേരില് നടത്തിയാലും പെരുമാറ്റച്ചട്ടം മാറ്റാനാവില്ലെന്ന് സ്പാനിഷ് ലീഗ് അധികൃതര് അറിയിച്ചു.
Comments