ഇംഗ്ലണ്ട്: ഇംഗ്ലീഷ് പ്രീമിയർ ലീഗിൽ ആസ്റ്റൺ വില്ലയ്ക്ക് ജയം. ന്യൂകാസിലിനെ എതിരില്ലാത്ത രണ്ടു ഗോളുകൾക്കാണ് തോൽപ്പിച്ചത്.
കളിയുടെ ആദ്യ പകുതിയിലാണ് രണ്ടു ഗോളുകളും ആസ്റ്റൺ വില്ല എതിരാളികളുടെ വലയിലെത്തിച്ചത്. ഒല്ലി വാറ്റ്കിൻസാണ് 13-ാം മിനിറ്റിൽ ആദ്യ ഗോൾ അടിച്ചത്. 42-ാം മിനിറ്റിൽ ബെർട്രൻഡ് ട്രാവോരെ രണ്ടാം ഗോളും നേടി. ലീഗ് പട്ടികയിൽ ആസ്റ്റൺ വില്ല എട്ടാം സ്ഥാനത്തും ന്യൂകാസിൽ 16-ാം സ്ഥാനത്തുമാണ്.
തുടർച്ചയായ മൂന്ന് തോൽവികൾക്ക് ശേഷമാണ് വില്ല ജയം അറിഞ്ഞത്. ചെൽസിയെ സമനിലയിൽ തളച്ച് വീര്യം കാണിച്ച വില്ല പിന്നീടുള്ള കളികളിൽ മാഞ്ചസ്റ്റർ യുണൈറ്റഡിനോടും ലിവർപൂളിനോടും സിറ്റിയോടും തോറ്റു. അടുത്ത മത്സരം ബേൺലേയ്ക്കെതിരെയാണ്.
Comments