ദുബായ്: ലോക ക്രിക്കറ്റിലെ മികച്ച ടെസ്റ്റ് ടീമിനെ തെരഞ്ഞെടുക്കുന്ന കലാശപോരാട്ട്ത്തിന്റെ തീയതി മാറ്റി. അന്താരാഷ്‌ട്ര ക്രിക്കറ്റ് കൗൺസിലാണ് തീരുമാനം അറിയിച്ചത്. 2019ലെ ഏകദിന ലോകകപ്പിന് ശേഷമാണ് ടെസ്റ്റ് ചാമ്പ്യൻഷിപ്പിനായുള്ള മത്സരങ്ങൾ ആരംഭിച്ചത്. 2021 പകുതിയോടെ കലാശപോരാട്ടം തീരുമാനിച്ചിരുന്നു.
ജൂൺ 10 മുതൽ 14 വരെ നടത്താനിരുന്നത് 18 മുതൽ 22 വരെയാക്കി പുനർ നിർണ്ണയിച്ചിരിക്കുകയാണ്. ഏപ്രിൽ-മെയ് മാസത്തിലായി ബി.സി.സി.ഐ 2021 സീസണലിലെ ഐ.പി.എൽ നടത്താൻ അനുവാദം ചോദിച്ചതോടെയാണ് ടെസ്റ്റ് ചാമ്പ്യൻഷിപ്പ് മാറ്റിയത്. ലോകക്രിക്കറ്റിന്റെ തട്ടകമെന്ന് വിശേഷിപ്പിക്കുന്ന ലോർഡ്‌സിലാണ് രണ്ടു ടീമുകൾ മത്സരിക്കുക. ഇന്ത്യയും ഓസ്‌ട്രേലിയയുമാണ് നിലവിൽ മുന്നിൽ നിൽക്കുന്നത്.
