ലണ്ടൻ: ഇംഗ്ലീഷ് പ്രീമിയർ ലീഗിൽ ആഴ്സണലിനും വെസ്റ്റ് ഹാമിനും ലീഡ്സ് യുണൈറ്റഡിനും മികച്ച ജയം. ന്യൂകാസിലിനും ക്രിസ്റ്റൽ പാലസിനും സതാംപ്ടണിനുമാണ് തോൽവി പിണഞ്ഞത്.
ആദ്യ മത്സരത്തിൽ ലീഡ്സ് യുണൈറ്റഡ് ഒന്നിനെതിരെ രണ്ടു ഗോളുകൾക്കാണ് ന്യൂകാസിലിനെ തോൽപ്പിച്ചത്. രണ്ടാം മത്സരത്തിൽ വെസ്റ്റ് ഹാം രണ്ടിനെതിരെ മൂന്ന് ഗോളുകൾക്ക് ക്രിസ്റ്റൽ പാലസിനെ തോൽപ്പിച്ചപ്പോൾ ആഴ്സണൽ 3-1ന് സതാംപടണിനെതിരെ ആധികാരിക ജയം നേടി.
ലീഗിലെ മത്സരങ്ങളിൽ ഏറ്റവും ശ്രദ്ധനേടിയത് ആഴ്സണലിന്റെ ജയമായിരുന്നു.3-1നാണ് സതാംപ്ടണിനെ ആഴ്സണൽ തോൽപ്പിച്ചത്. കളിയുടെ മൂന്നാം മിനിറ്റിൽ സ്റ്റുവർട്ട് ആംസ്ര്ടോഗാണ് ആഴ്സണലിനെ ഞെട്ടിച്ച് സതാംപ്ടണിനെ മുന്നിലെത്തിച്ചത്. എന്നാൽ തുടർന്നങ്ങോട്ട് കളിയുടെ പൂർണ്ണ നിയന്ത്രണം ഗണ്ണേഴ്സ് ഏറ്റെടുത്തു. 8-ാം മിനിറ്റിൽ നിക്കോളാസ് പെപ്പെ സമനില പിടിച്ചു. 39-ാം മിനിറ്റിൽ ബുക്കായോ സാക രണ്ടാം ഗോളും 72-ാം മിനിറ്റിൽ അലക്സാേ്രന്ദ ലാകാസേറ്റേ മൂന്നാം ഗോളും നേടി.
Comments