കോഴിക്കോട്: തെറ്റുകാരനല്ലെന്ന ഉറച്ച ബോധ്യമുണ്ടെന്ന് സ്പീക്കർ പി.ശ്രീരാമകൃഷ്ണൻ. അന്വേഷണ ഏജന്സികള് ഇതുവരെ ബന്ധപ്പെട്ടിട്ടില്ലെന്നും ശ്രീരാമകൃഷ്ണൻ വ്യക്തമാക്കി. കേരള മദ്രസാധ്യാപക ക്ഷേമനിധി ബോര്ഡ് ന്യൂനപക്ഷ ക്ഷേമ വകുപ്പുമായി സഹകരിച്ച് നടത്തുന്ന മദ്രസാധ്യാപക പരിശീലന ക്യാമ്പ് പരിപാടിയില് സംസാരിക്കുകയായിരുന്നു സ്പീക്കര്. മന്ത്രി കെ.ടി ജലീല് പരിപാടി ഉദ്ഘാടനം ചെയ്തു.
തെറ്റുകാരനല്ലാത്തതുകൊണ്ടുതന്നെ പൊതുപ്രവര്ത്തന രംഗത്ത് നിന്ന് മാറി നില്ക്കണമെന്ന് തോന്നിയിട്ടില്ലെന്നും സ്പീക്കര് വ്യക്തമാക്കി. തനിക്കെതിരെ നടക്കുന്ന ആരോപണങ്ങൾ മാദ്ധ്യമ സൃഷ്ടിയാണെന്നും മത്സരിക്കുന്ന കാര്യം പാര്ട്ടി തീരുമാനിക്കുമെന്നും അദ്ദേഹം പറഞ്ഞു.
അധ്യാപക നിയമനത്തില് ഇതുവരെ പരാതി ഉയര്ന്നിട്ടില്ലെന്നാണ് കെ.ടി ജലീലിന്റെ വാദം . എ.എന്. ഷംസീര് എം.എല്.എയുടെ ഭാര്യയ്ക്ക് ജെ.ആര്.എഫ്. യോഗ്യതയുണ്ടെന്നും മറിച്ചുള്ള പ്രചാരണത്തില് കാര്യമില്ലെന്നുമാണ് കെ.ടി. ജലീൽ പറയുന്നത്.
Comments