ന്യൂഡൽഹി: ഇന്ത്യയുടെ കാർഷികമേഖലയെ ആഗോളതലത്തിലെ കമ്പോളവുമായി ശക്തമായി ബന്ധിപ്പിക്കാൻ പുതിയ കാർഷിക നിയമങ്ങൾ ഏറെ സഹായകമാണെന്ന് അമേരിക്ക. ഇന്ത്യയുടെ കാർഷിക നിയമങ്ങളെ പിന്തുണച്ച സംസാരിക്കുകയായിരുന്നു അമേരിക്ക. ഇന്ത്യയിൽ നടക്കുന്ന കർഷക സമരങ്ങൾ വിഷയങ്ങൾ പഠിക്കാതെയാണെന്നാണ് അമേരിക്കയിലെ സ്റ്റേറ്റ് ഡിപ്പാർട്ട്മെന്റ് വിലയിരുത്തുന്നത്. ഒപ്പം കർഷക സമരം ജനാധിപത്യ മര്യാദകൾ ലംഘിക്കു ന്നതിനെ ആശങ്കയോടെയാണ് കാണുന്നതെന്നും അമേരിക്ക പറഞ്ഞു.
ഇന്ത്യയുടെ കാർഷിക മേഖല വളരെ വിശാലമാണ്. ലോകത്തിന് ഇന്ത്യൻ ഉൽപ്പന്നങ്ങൾ അത്യന്താപേക്ഷിതവുമാണ്. എന്നാൽ ലോക കമ്പോളത്തിന് പ്രാപ്തമായവിധവും കർഷകർക്ക് മികച്ച മൂല്യം ലഭിക്കുന്നതും ഉറപ്പുവരുത്തണം. സർക്കാർ നയങ്ങൾ ഇതിന് കൂടുതൽ കരുത്തുപകരാനാണ് ശ്രമിക്കുന്നതെന്നാണ് മനസ്സിലാക്കുന്നതെന്നും അമേരിക്ക സ്റ്റേറ്റ് ഡിപ്പാർട്ട്മെന്റ വക്താവ് വിലയി രുത്തുന്നു.
കർഷകരുടെ ആവശ്യങ്ങളെക്കുറിച്ച് നടത്തിയ പഠന ഗവേഷങ്ങൾ ഇന്ത്യൻ പാർലമെന്റ് സുദീർഘമായി ചർച്ച ചെയ്യുന്നതിലെ ജനാധിപത്യ മര്യാദയെ അമേരിക്ക അഭിനന്ദിച്ചു. നിയമങ്ങൾ നടപ്പാക്കുന്നതിലെ കൃത്യത സുപ്രിംകോടതി നിരീക്ഷിക്കുന്നതിലെ ഗൗരവവും അമേരിക്ക അഭിനന്ദിച്ചു.
Comments