മാഡ്രിഡ്: കിംഗ്സ് കപ്പ് സെമിഫൈനലിൽ ഇന്ന് ബാഴ്സയ്ക്ക് നിർണ്ണായക ദിനം. സെവിയക്കെതിരെ സ്വന്തം തട്ടകമായ ക്യാപ് നൗവിലാണ് രണ്ടാം പാദ മത്സരത്തിനായി ബാഴ്സലോണ ഇറങ്ങുന്നത്. ആദ്യപാദ മത്സരത്തിൽ സെവിയയോട് എതിരില്ലാത്ത രണ്ട് ഗോളിന് തോറ്റ ബാഴ്സലോണയ്ക്ക് ഇന്ന് മൂന്ന് ഗോളിന്റെയെങ്കിലും ജയം അനിവാര്യമാണ്.
പരിക്കുകളാണ് ഇരുടീമുകൾക്കും തലവേദനയാകുന്നത്. ബാഴ്സയുടെ പ്രതിരോധ നിര താരം റൊണൾഡ് അരൂജോ മടങ്ങിയെത്തിയത് മെസ്സിക്കും കൂട്ടർക്കും ഗുണമാകും. പരിശീലനത്തി നിറങ്ങിയില്ലെങ്കിലും വ്യായാമശാലയിൽ മികച്ച പരിശീലനം നടത്തിയെന്നാണ് ടീം മാനേജ്മെന്റ് പറയുന്നത്. അരൂജോയ്ക്കൊപ്പം പെഡ്രിയും കളത്തിലിറങ്ങും.
ഇതിനിടെ മിരാലേം പാജാനിക്കിന്റെ കാര്യം സംശയത്തിലാണ്. ആൻസു ഫാ്ത്തിയും ഫിലിപ്പേ കുടിഞ്ഞ്യോയും സെർഗി റോബർട്ടോയും പരിക്കിൽ നിന്ന് മോചിതരായിട്ടില്ല. സെവിയയുടെ നിരയിൽ മാർക്കോസ് അക്കൂനയുടേയും ലൂക്കാസ് ഒക്കാമ്പസിന്റേയും പരിക്ക് മാറിയിട്ടില്ല.
Comments