കാലിഫോർണിയ: കാറപകടത്തിൽ ഗുരുതരമായി പരിക്കേറ്റ ഗോൾഫ് ഇതിഹാസം ടൈഗർ വുഡ്‌സ് ആശുപത്രി വിട്ടു. സ്വയം കാറോടിച്ച് പോകുമ്പോഴാണ് കഴിഞ്ഞ മാസം 23-ാം തിയതി അപകടം സംഭവിക്കുന്നത്.
ടൈഗർ വുഡ്‌സിന്റെ കാലിനാണ് ഗുരുതരമായി പരിക്കേറ്റത്. മരത്തിലിടിച്ച് കാറ് താഴേക്ക് പതിക്കുകയായിരുന്നു. കാറോടിച്ചിരുന്ന ടൈഗർ വുഡ്‌സിന്റെ വലതുകാലിൽ ഒന്നിലേറെ സ്ഥലത്താണ് പൊട്ടലുകളുണ്ടായത്. അപകടത്തെ തുടർന്ന് കാലിഫോർണിയയിലെ ആശുപത്രിയിലാണ് ടൈഗർ വുഡ്‌സിന്റെ പ്രവേശിപ്പിച്ചത്. 15 തവണ ലോകചാമ്പ്യനായ വുഡ്‌സ് തനിക്കുവേണ്ടി പ്രാർത്ഥിച്ച ആരാധകർക്ക് നന്ദി പറഞ്ഞു.
