ഇസ്ലാമാബാദ്: അസുഖബാധിതനായത് എക്കാലത്തേയും തന്റെ ശക്തനായ എതിരാളി. അതെന്തായാലും അസുഖം പെട്ടന്ന് സുഖപ്പെട്ട് കളത്തിലിറങ്ങാൻ ആശംസകൾ നേർന്നിരിക്കുകയാണ് പാകിസ്താൻ താരം. ലോക ക്രിക്കറ്റിലെ ഇതിഹാസമായ സച്ചിന് കൊറോണ ഭേദമാകാൻ ആശംസ നേർന്നത് പാകിസ്താൻ മുൻ താരം ഷൊഐബ് അക്തറാണ്. കളിക്കളത്തിലെ എന്റെ എക്കാലത്തേയും എതിരാളിയെന്ന് സച്ചിനെ വിശേഷിപ്പിച്ചാണ് അക്തർ സന്ദേശമിട്ടത്. എത്രയും പെട്ടന്ന് സുഖമാകട്ടെയെന്നും അക്തർ ആശംസിച്ചു.
https://twitter.com/shoaib100mph/status/1376938787297705987
ഒരു കാലഘട്ടത്തിൽ ആരാധകർ ഏറ്റവുമധികം ആവേശത്തോടെ കണ്ട ഏറ്റുമുട്ടലാണ് സച്ചിൻ അക്തർ പോരാട്ടങ്ങൾ. സച്ചിനുമായി നല്ല സൗഹൃദം പുലർത്തുന്ന അക്തർ എല്ലായ്‌പ്പോഴും സൗഹൃദം പുതുക്കാറുമുണ്ട്. ട്വിറ്ററിലൂടെയാണ് ലോകോത്തര പേസ് ബൗളറായ ഷൊഐബ് അക്തർ സച്ചിന് ആരോഗ്യം വീണ്ടെടുക്കാനുള്ള ആശംസകൾ നേർന്നത്.
