നാം കണ്ടറിഞ്ഞുതും കേട്ടറിഞ്ഞതുമായ നിരവധി കൗതുകകള് ലോകത്തിന്റെ വിവിധ ഭാഗങ്ങളിലായി കിടപ്പുണ്ട്. എന്നാല് അവയില് ചിലതിനെ കുറിച്ച് കേള്ക്കുമ്പോള് അവയെല്ലാം കഥയാണോ യാഥാര്ത്ഥ്യമാണോ എന്ന കാര്യത്തില് നമ്മുക്ക് സംശയം തോന്നാം. അത്തരത്തില് ഒന്നാണ് വിയറ്റ്നാമില് സ്ഥിതി ചെയ്യുന്ന കോ വാങ് എന്ന പാലം. ഒറ്റ നോട്ടത്തില് നോക്കിയാല് ഇരു കൈകളാല് ഈ പാലത്തെ താങ്ങി നിര്ത്തിയതു പോലെയേ തോന്നുകയുള്ളു. സഞ്ചാരികളുടെ പ്രിയപ്പെട്ട സ്ഥലമാണ് കാടിന് നടുക്കുള്ള ഈ കോ വാങ് പാലം.
ഈ സ്ഥലം കാണാന് നിരവധി സഞ്ചാരികളാണ് ദിവസവും ഇങ്ങോട്ടേക്ക് എത്തുന്നത്. ദൈവ കരങ്ങളിലെ പാലം എന്നാണ് ഇവിടെ എത്തുന്ന സഞ്ചാരികള് ഈ പാലത്തെ വിശേഷിപ്പിക്കുന്നത്. സഞ്ചാരികള്ക്ക് അത്രയും പ്രിയപ്പെട്ട ഇടങ്ങളില് ഒന്നായി സ്ഥാനം പിടിച്ചിട്ടുണ്ട് ഈ പാലം. 1919 ല് ടനാങ് എന്ന സ്ഥലത്ത് ഫ്രഞ്ചുകാരാണ് ഈ പാലം പണി കഴിപ്പിച്ചത്. ഹില്സ്റ്റേഷന് സമീപത്ത് 150 മീറ്റര് നീളത്തില് ഈ പാലം സ്ഥിതി ചെയ്യുന്നു. അന്നു മുതല് തന്നെ ഇങ്ങോട്ടേക്ക് നിരവധി സഞ്ചാരികള് എത്താറുണ്ട്.
വിനോദ സഞ്ചാരികളെ ആകര്ഷിക്കാനും വിനോദ സഞ്ചാര മേഖലയ്ക്ക് ഉണര്വേകാനും കൂടി ആകര്ഷകമായ ഒരുപാട് സൗകര്യങ്ങളും കൗതുക കാഴ്ചകളും ഇവിടെ ഒരുക്കിയിട്ടുണ്ട്. ഈ അത്ഭുത പാലം തേടി വിവിധ സ്ഥലങ്ങളില് നിന്ന് ആളുകളെ ഇങ്ങോട്ടേക്ക് എത്താറുമുണ്ട്. ഇതിന് സമീപത്തായി പണി കഴിപ്പിച്ച കോട്ടയും മെഴുക് മ്യുസിയവും വളരെ പ്രശസ്തമാണ്. സഞ്ചാരികള്ക്കായി കേബിള് കാര് സൗകര്യവും ഇവിടെ ഒരുക്കിയിട്ടുണ്ട്. സഞ്ചാരികളെ ആകര്ഷിക്കുന്നതിനായി നിരവധി പദ്ധതികളാണ് വിയറ്റ്നാം ഗവണ്മെന്റ് എല്ലാ വര്ഷവും ഇവിടെ നടപ്പിലാക്കുന്നത്.
Comments