മുംബൈ: പഞ്ചാബ് കിംഗ്സിനെ അടിച്ചു തകർത്ത് ഡൽഹി ക്യാപ്പിറ്റൽസ്. പഞ്ചാബ് കിംഗ്സ് ഉയർത്തിയ 195 റൺസ് വിജയലക്ഷ്യം പിന്തുടർന്നിറങ്ങിയ ഡൽഹി പത്ത് പന്തുകൾ ശേഷിക്കെ ആറ് വിക്കറ്റിനാണ് വിജയം സ്വന്തമാക്കിയത്. 92 റൺസെടുത്ത ശിഖർ ധവാന്റെയും 32 റൺസെടുത്ത പൃഥ്വി ഷായുടെയും 27 റൺസെടുത്ത മാർക്കസിന്റെയും ഉൾപ്പെടെ പ്രകടനമാണ് ഡൽഹിക്ക് വിജയം സമ്മാനിച്ചത്.
20 ഓവറിൽ നാല് വിക്കറ്റുകൾ മാത്രം നഷ്ടപ്പെടുത്തിയാണ് പഞ്ചാബ് കിംഗ്സ് 195 റൺസ് പടുത്തുയർത്തിയത്. 61 റൺസെടുത്ത രാഹുലിന്റെയും 69 റൺസെടുത്ത മായങ്ക് അഗർവാളിന്റെയും ഓപ്പണിംഗ് കൂട്ടുകെട്ട് മികച്ച അടിത്തറയാണ് പഞ്ചാബിന് നൽകിയത്. ദീപക് ഹൂഡ 22 റൺസും ഷഹരൂഖ് ഖാൻ 15 റൺസും എടുത്തു. പ്രതീക്ഷ പുലർത്തിയ ക്രിസ് ഗെയ്ലിന് പക്ഷെ തിളങ്ങാനായില്ല. 11 റൺസിന് ഗെയ്ൽ പുറത്തായി.
49 പന്തിൽ നിന്ന് 13 ഫോറും രണ്ട് സിക്സും സഹിതമാണ് ശിഖർ ധവാൻ 92 റൺസ് എടുത്തത്. സ്റ്റീവൻ സ്മിത്ത് 9 റൺസിന് പുറത്തായി. മാർക്കസും ലളിത് യാദവുമാണ് അഞ്ചാം വിക്കറ്റ് കൂട്ടുകെട്ടിൽ ടീമിനെ വിജയത്തിലേക്ക് എത്തിച്ചത്. ലളിത് യാദവ് ആറ് പന്തിൽ നിന്ന് 12 റൺസെടുത്തു. പഞ്ചാബിന് വേണ്ടി ജൈ റിച്ചാർഡ്സൺ രണ്ട് വിക്കറ്റുകൾ വീഴ്ത്തി.
Comments