ചെന്നൈ: ഹൃദയാഘാതം മൂലം ചികിത്സ തേടിയ മുത്തയ്യ മുരളീധരൻ ആശുപത്രിവിട്ടു. ആൻജിയോ പ്ലാസ്റ്റി കഴിഞ്ഞ മുത്തയ്യ മുരളീധരൻ ഐ.പി.എൽ ടീമായ സൺറൈസേഴ്‌സ് ഹൈദരാബാദിനൊപ്പം ഈ ആഴ്ചയിൽ ചേരുമെന്നാണ് അറിയിച്ചിരിക്കുന്നത്. ടീമിന്റെ മുഖ്യപരിശീലകനാണ് ശ്രീലങ്കയുടെ സ്പിൻ ഇതിഹാസമായ മുത്തയ്യ മുരളീധരൻ.
ചെന്നൈയിലെ അപ്പോളോ ആശുപത്രിയിലാണ് ശ്രീലങ്കൻ താരത്തെ പ്രവേശിപ്പിച്ചത്. ഹൃദയ സംബന്ധമായ പ്രശ്‌നങ്ങളിൽ ഇനി ആശങ്കവേണ്ടെന്നും ക്രിക്കറ്റുമായി ബന്ധപ്പെട്ട് കളത്തിലിറങ്ങാൻ ഒരാഴ്ചത്തെ വിശ്രമത്തിന് ശേഷം സാധിക്കുമെന്നും ഡോ. സെങ്കോട്ടു വേലു അറിയിച്ചു. ലോകക്രിക്കറ്റിൽ 800 വിക്കറ്റുകൾ നേടി സ്പിൻ ബൗളിംഗിൽ അത്ഭുതമായ താരമാണ് മുത്തയ്യ മുരളീധരൻ.
