ന്യൂഡൽഹി: ഓക്‌സിജൻ ഇല്ലായ്മ പരിഹരിക്കപ്പെട്ടതായി ഡൽഹി ആഭ്യന്തരമന്ത്രി സിസോദിയ. കേന്ദ്രസർക്കാർ നടത്തിയ അതിവേഗ നീക്കത്തിലൂടെ കോമൺവെൽത്ത് ഗെയിംസ് കൊറോണ പ്രാഥമിക ചികിത്സാ കേന്ദ്രത്തിലെ സംവിധാനമാണ് കുറ്റമറ്റരീതി യിലായതെന്ന് സിസോദിയ അവകാശപ്പെട്ടത്.
‘ഇവിടെ നിലവിലെ രോഗികളുടെ എണ്ണത്തിന് പര്യാപ്തമായ അളവിൽ ഓക്‌സിജൻ ലഭിച്ചിട്ടുണ്ട്. കോമൺവെൽത്ത് ഗെയിംസ് കേന്ദ്രത്തിലാണ് നിലവിലെ പ്രാഥമിക ചികിത്സാ കേന്ദ്രം ഒരുക്കിയിരിക്കുന്നത്.’ സിസോദിയ പറഞ്ഞു.
രാജ്യത്ത് കൊറോണ രോഗികളുടെ എണ്ണത്തിൽ ന്യൂഡൽഹിയും മഹാരാഷ്‌ട്രയും ഏറെ പ്രതിസന്ധിയിലായതിന് പിന്നാലെയാണ് കേന്ദ്രസർക്കാർ ഓക്‌സിജൻ ഉറപ്പുവരുത്തിയത്. മഹാരാഷ്‌ട്രയിൽ റെയിൽവേയുടെ സഹായത്താലാണ് ഓക്‌സിജൻ എത്തിച്ചത്. ഡൽഹിയിൽ തീവണ്ടിയിലും വിമാനത്തിലും ഓക്‌സിജൻ എത്തിക്കുകയായിരുന്നു. ഹരിയാനയിൽ നിന്നും ഡൽഹിയിലേക്ക് ഓക്‌സിജൻ എത്തിച്ചി്ട്ടുണ്ട്.
