മുംബൈ: ഈ ആഴ്ചയിൽ രണ്ടു മത്സരങ്ങൾ നടക്കുന്ന ആദ്യദിനത്തിൽ രാജസ്ഥാൻ റോയൽസും മുംബൈ ഇന്ത്യൻസും ഏറ്റുമുട്ടും. ഡൽഹിയിലെ അരുൺ ജെറ്റ്ലി സ്റ്റേഡിയത്തിലാണ് മത്സരം നടക്കുന്നത്. രണ്ടു ടീമുകളും തുല്യജയം നേടിയാണ് നിൽക്കുന്നതെങ്കിലും രാജസ്ഥാൻ ഒരു കളി കുറച്ചാണ് കളിച്ചത്. കഴിഞ്ഞ മത്സരത്തിൽ കൊൽക്കത്തയെ ചെറിയ സ്കോറിലൊതുക്കിയ രാജസ്ഥാൻ സഞ്ജുവിന്റെ പക്വതയാർന്ന ഇന്നിംഗ്സിന്റെ ബലത്തിൽ മത്സരം കയ്യിലാക്കി.
ക്രിസ് മോറിസിന്റെ ഓൾറൗണ്ട് മികവിലും മുസ്താഫിസുർ റഹ്മാൻ, ചേതൻ സക്കാരിയ, ആകാശ് സിംഗ് എന്നിവർ മികച്ച ഫോമിലാണ്. മുംബൈ പക്ഷെ മദ്ധ്യനിരയുടെ തകർച്ചയിൽ ആകെ പതറുന്ന കാഴ്ചയാണ്. പാണ്ഡ്യ സഹോദരന്മാരുടെ ഫോം ഔട്ടും ഓപ്പണർമാരുടെ സ്ഥിരതയില്ലായ്മയും രോഹിതിനെ അലട്ടുകയാണ്. സൂര്യകുമാർ യാദവും ഇഷാൻ കിഷനും മിന്നും ഫോമിലേക്കുയരുമോ എന്നതാണ് ആരാധകർ ഉറ്റുനോക്കുന്നത്.
സ്വയം മികച്ച സ്കോറിലേക്ക് ഇതുവരെ രോഹിതിന് ഉയരാനുമാകാത്തത് ക്ഷീണമാണ്. എന്നാൽ ഇതിനെല്ലാം പരിഹാരമായാണ് മാരകമായ ബൗളിംഗ് നിരയുള്ളത്. ബുംമ്രയും ട്രെൻഡ് ബോൾട്ടും, രാഹുൽ ചാഹറും നടത്തുന്ന മികച്ച ബൗളിംഗാണ് മുംബൈയുടെ കരുത്ത്.
