മൃഗങ്ങളുമായി ബന്ധപ്പെട്ട നിരവധി വീഡിയോകള്‍ സോഷ്യല്‍ മീഡിയയില്‍ സജീവമായി കണ്ടുവരാറുണ്ട്. അവയില്‍ പലതും വളരെ പെട്ടെന്നുതന്നെ ജനശ്രദ്ധയാകര്‍ഷിക്കാറുമുണ്ട്. അത്തരത്തില്‍ വളരെയേറെ വൈറലായി മാറിയ ഒന്നായിരുന്നു പുഴയില്‍ നിന്നും വെള്ളം കുടിക്കാന്‍ വന്ന ചീറ്റയെ മുതല പിടിക്കുന്ന ദൃശ്യങ്ങള്‍. എന്നാല്‍ ഇപ്പോള്‍ സോഷ്യല്‍ മീഡിയയില്‍ വൈറലാകുന്നത് മറ്റൊരു വീഡിയോയാണ്. മുതലയുടെ വായില്‍ നിന്നുംതലനാരിഴയ്‌ക്ക് രക്ഷപ്പെടുന്ന ചീറ്റയുടെ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ സജീവമായി പ്രചരിക്കുന്നത്.
സുശാന്ത് നന്ദ ഐഎഫ്എസ് ആണ് ഈ വീഡിയോ പങ്കുവെച്ചിരിക്കുന്നത്. പുഴയുടെ തീരത്ത് നിന്നും വെള്ളം കുടിക്കുകയായിരുന്ന ചീറ്റ, അപ്പോള്‍ മുതല പതുക്കെ ചീറ്റയുടെ അരികിലെത്തി ഈ സമയം അപകടം മനസ്സിലാക്കിയതോടെ ചീറ്റ വെള്ളത്തിലേക്കു കുതിച്ചു ചാടി. തുടര്‍ന്ന് പെട്ടെന്ന് തന്നെ നീന്തി കരകയറി ഇതാണ് വീഡിയോയിലുള്ളത്.
പിറകെ പോയെങ്കിലും ചീറ്റയുടെ അടുത്തെത്താന്‍ മുതലയ്‌ക്കു കഴിഞ്ഞില്ല. കാരണം വേഗതയുടെ കാര്യത്തില്‍ ചീറ്റയെ പിന്നിലാക്കാന്‍ മറ്റാരുമില്ല. അതുകൊണ്ടുതന്നെ നിമിഷനേരം കൊണ്ട് രക്ഷപ്പെടാന്‍ ചീറ്റയ്‌ക്കു സാധിച്ചു. പെട്ടെന്ന് തന്നെ ഈ വീഡിയോ സോഷ്യല്‍ മീഡിയയില്‍ വൈറലാകുകയും ചെയ്തു
