പാരീസ്: ഫ്രഞ്ച് ഓപ്പൺ ടെന്നീസിൽ മുതിർന്നതാരങ്ങളിൽ പുരുഷ വിഭാഗത്തിൽ റോജർ ഫെഡററും വനിതാ വിഭാഗത്തിൽ സെറീന വില്യംസും രണ്ടാം റൗണ്ടിലേക്ക് മുന്നേറി. ഫെഡറർ ആദ്യ റൗണ്ടില് ഉസ്ബെക്കിസ്താന്റെ ഡെന്നീസ് ഇസ്തോമിനെ 6-2,6-4,6-3നാണ് തോൽപ്പിച്ചത്.
വനിതാ വിഭാഗത്തിൽ അമേരിക്കയുടെ ലോകതാരം സെറീന വില്യംസും രണ്ടാം റൗണ്ടിലെത്തി. റൊമേനിയുടെ ഇർന കമേലിയ ബേഗുവിനെയാണ് സെറീന തോൽപ്പിച്ചത്. ആദ്യ സെറ്റ് ടൈബ്രേക്കറിൽ 7-6ന് പിടിച്ച സെറീന രണ്ടാം സെറ്റ് 6-2ന് അനായാസം സ്വന്തമാക്കി. മൂന്ന് തവണയാണ് സെറീന പാരീസിൽ കിരീടം ചൂടിയിട്ടുള്ളത്.
