ന്യൂയോർക്ക്: ഫ്രഞ്ച് ഓപ്പണിൽ സംഘാടകരുമായി തെറ്റി മത്സരം ഉപേക്ഷിച്ച നവോമി ഒസാക്കയ്ക്ക് പിന്തുണയേറുന്നു. മാദ്ധ്യമങ്ങളുമായി സംസാരിക്കാൻ തയ്യാറായില്ലെന്ന പേരിൽ സംഘാടകർ പഴി ചുമത്തിയതോടെയാണ് ജപ്പാൻ താരം നവോമി ഒസാക ഫ്രഞ്ച് ഓപ്പണിൽ നിന്നും പിന്മാറിയത്.
ഒസാകയുടെ അപ്രതീക്ഷിത നടപടി സംഘാടകരെ ഞെട്ടിച്ചെങ്കിലും അമേരിക്കൻ താരം സെറീന വില്യംസ് ഒസാക്കയെ പിന്തുണച്ചു. ഇതിന് പിന്നാലെയാണ് ഒളിമ്പിക്സ് വിസ്മയമായ നീന്തൽ താരം മൈക്കിൾ ഫെൽപ്സ് ഒസാക്കയുടെ നടപടി അതിഗംഭീരമെന്ന് വിശേഷിപ്പിത്.
കായികതാരങ്ങളുടെ മാനസിക പിരിമുറക്കം കുറയ്ക്കാനുള്ള പദ്ധതികളുടെ പരിശീല കനായിമാറിയ ഫെൽപ്സ് ഒസാക തന്റെ സ്വഭാവത്തിൽ ഉറച്ചുനിന്നതിൽ സന്തോഷി ക്കുന്നുവെന്നാണ് പ്രതികരിച്ചത്. സ്വയം എന്താണ് ചെയ്യേണ്ടതെന്നതിൽ ഉറച്ചുനിൽക്കുന്ന മനസ്സുകളാണ് ആവശ്യമെന്നും ഫെൽപ്സ് പറഞ്ഞു.
താൻ സ്നേഹിക്കുന്നത് ടെന്നീസിനെയാണ്. എന്നും ടെന്നീസ് ലോകത്തിൽ തുടരും. അതിനിടയിലുള്ള ഒരു സാങ്കേതിക കാര്യവും തന്നെ സ്പർശിക്കില്ലെന്ന ഒസാകയുടെ തിരിച്ചറിവ് എല്ലാ കായികതാരങ്ങൾക്കും മാതൃകയാണെന്നും ഫെൽപ്സ് പറഞ്ഞു. ഒരു മനുഷ്യന് തന്റെ വികാരം പ്രകടിപ്പിക്കാനുള്ള എല്ലാ സ്വാതന്ത്ര്യവുമുണ്ടെന്നും ഫെൽപ്സ് വിശദീകരിച്ചു.
Comments