പാരീസ്: സൗഹൃദ മത്സരത്തിൽ ഫ്രാൻസിന് മികച്ച ജയം. ബൾഗേറിയയെ എതിരില്ലാത്ത മൂന്ന് ഗോളുകൾക്കാണ് ഫ്രഞ്ച് നിര തകർത്തുവിട്ടത്. റയൽ മാഡ്രിഡ് സ്റ്റാർ സ്ട്രൈക്കർ കരീം ബൻസേമയ്ക്ക് ഏറ്റ പരിക്ക് ഫ്രാൻസിന് ക്ഷീണമായിട്ടുണ്ട്. യൂറോകപ്പിന് മുന്നോടിയായ ജയമാണ് ഫ്രാൻസിന് കരുത്തേകുന്നത്.
ഫ്രാൻസിനായി ബാഴ്സലോണ താരമായ അന്റോണിയോ ഗ്രീസ്മാനാണ് ആദ്യഗോൾ നേടിയത്. രണ്ടാം പകുതിയിൽ ഒലിവർ ജെറൗദാണ് രണ്ടു ഗോൾകൂടി നേടി ടീമിന് കരുത്തുറ്റ വിജയം നേടിക്കൊടുത്തത്. 45, 46 മിനിറ്റിലാണ് ചെൽസി താരം മിന്നും പ്രകടനം നടത്തിയത്.
കളിയുടെ 41-ാം മിനിറ്റിലാണ് ബെൻസേമയുടെ കാൽമുട്ടിന് പരിക്കേറ്റത്. പരിശീലകൻ ദിദിയർ ഡെസ്ചാമ്പ്സ് ബെൻസേമയെ ഉടൻ പിൻവലിക്കുകയും ചെയ്തു.
