ഇന്ത്യന് ക്രിക്കറ്റിലെ എക്കാലത്തെയും ഏറ്റവും മികച്ച ക്യാപ്റ്റന്മാരില് ഒരാളാണ് സൗരവ് ചണ്ഡിദാസ് ഗാംഗുലി. ക്യാപ്റ്റനായും ഇടങ്കയ്യന് ബാറ്റ്സ്മാനായും ആരാധക ഹൃദയങ്ങള് കീഴടക്കിയ ഇതിഹാസ താരം ഇന്ന് 49-ാം ജന്മദിനം ആഘോഷിക്കുകയാണ്.
പ്രിയപ്പെട്ട ദാദയ്ക്ക് ജന്മദിനം ആശംസകള് അറിയിച്ചിച്ചിരിക്കുകയാണ് പ്രിയ താരം സുരേഷ് ഗോപി. ഇന്ത്യന് നായകനും താരനായകനും ഒരുമിച്ചുളള പഴയകാല ചിത്രം പങ്കുവെച്ചു കൊണ്ടാണ് സുരേഷ് ഗോപി ദാദയ്ക്ക് ആശംസകള് അറിയിച്ചത്.
1972 ജൂലൈ എട്ടിനാണ് ഗാംഗുലിയുടെ ജനനം. 1992 ലെ ഓസ്ട്രേലിയന് പര്യടനത്തിലാണ് ഗാംഗുലി ആദ്യമായി ഇന്ത്യന് ടീമിലേക്ക് വിളിക്കപ്പെടുന്നത്. എന്നാല്, ആ പരമ്പരയില് ഒരു മത്സരം പോലും കളിക്കാന് സാധിച്ചില്ല. പിന്നീട് ടീമില് ഇടം പിടിക്കാന് നാല് വര്ഷത്തെ കാത്തിരിപ്പ്. 1996 ല് ഇംഗ്ലണ്ടിനെതിരായ ടെസ്റ്റ് പരമ്പരയില് ഇന്ത്യയ്ക്കായി അരങ്ങേറ്റ മത്സരം കളിച്ചു. ഇന്ത്യയ്ക്കായി സെഞ്ചുറി നേടിയാണ് ഗാംഗുലി ക്രിക്കറ്റ് കരിയര് ആരംഭിക്കുന്നത്.
ടെസ്റ്റിലും ഏകദിനത്തിലും നാല്പ്പതില് കൂടുതല് ശരാശരിയുള്ള ബാറ്റ്സ്മാനാണ് സൗരവ് ഗാംഗുലി. ഇന്ത്യയ്ക്കായി 311 ഏകദിനങ്ങളും 113 ടെസ്റ്റ് മത്സരങ്ങളും ഗാംഗുലി കളിച്ചു. ഏകദിനത്തില് 41.02 ശരാശരിയോടെ 11,363 റണ്സും ടെസ്റ്റില് 42.17 ശരാശരിയോടെ 7,212 റണ്സും ഗാംഗുലി നേടിയിട്ടുണ്ട്. ടെസ്റ്റിലും ഏകദിനത്തിലുമായി 38 സെഞ്ചുറികളും ഗാംഗുലി നേടിയിട്ടുണ്ട് ഇപ്പോള് ബിസിസിഐ അധ്യക്ഷനുമായ സൗരവ് ഗാംഗുലി.
Comments